Habaye igikorwa cyo kwibuka abishwe muri Jenoside yakorewe Abatutsi batawe mu kiyaga cya Muhazi

Kuri uyu wa Gatandatu, mu Murenge wa Rutunga mu Karere ka Gasabo habereye igikorwa cyo kwibuka abishwe muri Jenoside yakorewe Abatutsi batawe mu kiyaga cya Muhazi.

Ni igikorwa cyabereye ku nkengero z'ikiyaga cya Muhazi, kibimburirwa no gushyira indabo mu kiyaga cya Muhazi mu rwego rwo kunamira no kuzirikana Abatutsi bajugunywe muri icyo kiyaga mu gihe cya Jenoside yakorewe Abatutsi.

Kugeza ubu amazina 71 n'iyo yamenyekanye y'abajugunywe aho muri Muhazi, hafi y'icyo kiyaga hakaba harashyizweho ikimenyetso cyihariye cyanditseho amazina yabo, abandi imyirondoro yabo ntiramenyekana.

Mu buhamya bwatanzwe n'umwe mu barokotse Jenoside utuye mu murenge wa Rutunga, yasonanuye ko mu gihe cya Jenoside bahuye n'akaga gakomeye ndetse bakaba barayiburiyemo benshi bo mu miryango yabo.