AGEZWEHO

  • U Rwanda rwemeje burundu amasezerano akumira uburobyi bwa magendu – Soma inkuru...
  • Abasaga ibihumbi 53 baciye mu bigo ngororamuco mu myaka 14 – Soma inkuru...

Guverinoma y'u Rwanda yihanganishije imiryango yaburiye ababo mu mpanuka y'ubwanikiro bw'ibigori

Yanditswe Feb, 03 2023 16:08 PM | 12,359 Views



Guverinoma y'u Rwanda yihanganishije imiryango yaburiye ababo mu mpanuka y'ubwanikiro bw'ibigori yabereye mu Murenge wa Rusororo, wo mu Karere ka Gasabo. Inizeza ubufasha bukenewe kuri iyi miryango.

Kugeza ubu abantu 11 nibo baguye muri iyi mpanuka y'ubwanikiro bw'ibigori yabereye mu Kagari ka Gasagara, Umurenge wa Rusororo, Akarere ka Gasabo mu Mujyi wa Kigali.

Abantu 50 nibo bakomerekeye muri iyi mpanuka, harimo abagize ibibazo by'imvune ndetse n'abagize ikibazo cy'ihungabana, bakaba bajyanywe kuvurirwa mu Bitaro bya Masaka, Kibagabaga ndetse na Kanombe.

Minisitiri w'Ubuzima Dr. Sabin Nsanzimana akaba yasuye abakomerekeye muri iyi mpanuka abagezaho ubutumwa bw'ihumure ndetse ko na Guverinoma yiteguye kubafasha ndetse n'imiryango yaburiye ababo muri iyi mpanuka.

Ababonye iyi mpanuka bavuga ko byatewe n'umuyaga mwinshi wahushye ubu bwanikiro, bigatizwa umurindi no kuba bwarimo umusaruro mwinshi w'ibigori ndetse n'ibiti bibukoze bikaba byari byaramunzwe.

Guverinoma y'u Rwanda yatangaje ko igiye kongera ingamba zo gukurikirana ireme ry'imyubakire kugirango hakomeze kwirindwa impanuka nk'izi.






Ba uwambere gutanga igitekerezo

Tanga igitekerezo:



RSS FEED

Muhanga: Polisi yarashe ukekwaho kwiba insiga z'amashanyarazi