Diaspora y'Abanyekongo batuye mu Rwanda basuye inkambi ya Mugombwa

Abaturage ba Repubulika Iharanira Demokarasi ya Congo batuye mu Rwanda, basuye abavandimwe babo batuye mu nkambi y'impunzi ya Mugombwa iherereye mu karere ka Gisagara, aho  bagaragaje ko bafite icyizere ko ubufatanye n'ubushake buranga umukuru w'igihugu cyabo,  Tshisekedi na Perezida Kagame bizafasha gukemura ibibazo bitandukanye bibangamira abaturage birimo n'icyo ubuhunzi.

Impunzi z'abanyekongo zivuga Ikinyarwanda zituye mu nkambi ya Mugombwa, zashimye umutima w'urukondo bagaragarijwe n'abavandimwe babo batuye mu Rwanda, bakaba bakiranye ibyishimo impano babazaniye zirimo imipira yo gukina ndetse n'imyambaro ya sport.

Dr Awaz Raymond uhagarariye Diaspora y'Abanyekongo batuye mu Rwanda, yashimye uburyo u Rwanda rwakiriye impunzi z'Abanyekongo, anagaragaza ko ashingiye ku mubano uranga abayobozi b'u Rwanda na Congo,  hari icyizere ko iki kibazo cy'ubuhunzi kizakemuka.

Abagize Diaspora ya Congo mu Rwanda banashyikirije abatuye mu nkambi y'impunzi ya Mugombwa amakarito ya Biswi zo guha abana bo muri iyo nkambi, ndetse banaha abatuye muri iyo nkambi za decoderi zizabasha kujya bakurikirana amakuru.

Ibikoresho byose byatanzwe na diaspora y'abakongo batuye mu Rwanda bifite agaciro gasaga miliyoni 2.5 Frw.

Abanyekongo batuye mu Rwanda bose hamwe basaga ibihumbi 100, mu gihe mu nkambi y'impunzi ya Mugombwa yo honyine hatuye impunzi zisaga ibihumbi 11.

Consolate Kamagajo.