Yanditswe Sep, 25 2021 16:59 PM | 78,188 Views
Perezida wa Repubulika Paul Kagame asanga ibimaze kugerwaho mu rugamba rwo kurwanya iterabwoba mu Ntara ya Cabo Delgado ari urugero rw'ibishoboka mu gihe hari ubufatanye buhamye hagati y'ibihigu bya Afurika.
Ibi Umukuru w'igihugu yabitangarije mu birori by'umunsi mukuru w'ingabo muri Mozambique wizihijwe Kuri uyu wa Gatandatu mu mujyi wa Pemba mu Ntara ya Cabo Delgado.
Ku nshuro ya mbere mu myaka 50 Umunsi mukuru w'ingabo muri Mozambique wizihirijwe mu ntara ya Cabo Delgado kuri sitade yitiriwe kwibohora mu mujyi wa Pemba.
Imbere ya Perezida wa Mozambique Filipe Nyusi na mugenzi we w'u Rwanda Paul Kagame wari umushyitsi w'imena, ibirori byo kwizihiza uwo munsi byasusurukijwe n'akarasisi k'ingabo ndetse n'ibindi bikoresho by'intambara birimo indege zo mu bwoko bwa kajugujugu ndetse n'ibimodoka byo mu bwoko bw'ibifaru.
Uyu munsi wizihijwe mu gihe ingabo z'ibihugu by'u Rwanda na Mozambique zimaze kwirukana ibyihebe muri Cabo Delgado, ibintu Perezida Paul Kagame yagaragaje ko ari urugero rw'ibishoboka.
Perezida Filipe Nyusi yakoresheje uyu mwanya maze agaragaza mugenzi we w'u Rwanda nk'umuntu ugira ishyaka ryo gutabara abandi banyafurika no gushimangira agaciro kabo.
Mu kwezi Kwa Nyakanga uyu mwaka ni bwo u Rwanda rwohereje ingabo na polisi bagera ku 1000 mu bikorwa byo kugarura umutekano mu bice by'Intara ya Cabo Delgado byari bimaze imyaka 5 byarabaye isibaniro ry'ibikorwa bya kinyamaswa byakorwaga n'ibyihebe byari byaramaze no kwigarurira imijyi imwe n'imwe yo muri iyi ntara.
Perezida Kagame avuga ko kimwe n'AbanyaMozambike bose, abaturage ba Cabo Delgado bakwiye ibyiza ari n ayo mpamvu u Rwanda rwihutiye gutabara vuba na bwangu.
Nyuma yo kwitabira ibirori byo kwizihiza umunsi mukuru w'ingabo, Perezida Kagame yasoje uruzinduko rw'iminsi 2 yagiriraga mu mujyi wa Pemba mu Ntara ya Cabo Delgado muri Mozambique.
Divin UWAYO
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
4 hours
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru