COVID19: Ishusho y’uburyo amabwiriza yubahirizwa mu bacuruzi i Kigali

AGEZWEHO

  • MINALOC muri gahunda yo kubaka amarerero adaheza – Soma inkuru...
  • Perezida Kagame yitabiriye inama ya ICGLR yiga ku mutekano wa Centrafrika – Soma inkuru...

COVID19: Ishusho y’uburyo amabwiriza yubahirizwa mu bacuruzi i Kigali

Yanditswe Jan, 06 2021 20:37 PM
69,287 Views



Umunsi wa kabiri wo kubahiriza ingamba nshya zigamije kurwanya icyorezo cya Covid-19, isura igaragaza ko nubwo abaturage bakomeje kubahiriza izi ngamba hirya no hino mu mujyi wa Kigali harimo kugaragara zimwe mu mbogamizi.

Ku munsi wa kabiri w'iyubahirizwa ry'amabwiriza mashya yo  kurwanya icyorezo cya COVID19, ku masoko,amaduka na restaurant,abaturage barikuzinduka bajya guhaha. Ngo ibi byatewe n'uko ku munsi wa mbere  w'iyubahirizwa ry'aya mabwiriza mashya hari abagiye mu kazi batashye basanga ibikorwa by'ubucuruzi byafunzwe.

Bamwe bavuga ko bafashe ingamba zo guhahira rimwe ibitabora,abandi bakajya bahaha mu gitondo mbere y'uko bajya mu kazi.

Ku ruhande rw'abacuruzi,  hari abajyaga bajya mu kazi isaha bishakiye ndetse mu masaha ya saa sita bagafata ikiruhuko.

Nyuma y'uko basabwe kujya bafunga amaduka, amasoko n'amaresitora ku isaha ya saa kumi n'ebyiri z'umugoroba bafashe ingamba nshya zo kuzinduka no kutaruhuka.

Gusa nubwo ingamba zo kwirinda iki cyorezo zikomeje hari imbogamizi zikigaragara cyane mu baturage ku bikorwa by'ubucuruzi ,nko muri amwe mu masoko hakigaragaramo ubucucike bwinshi n'abaturage bambara nabi agapfukamunwa ndetse nibura ry’amazi kuri amwe mu masoko nka Kimironko.

Umuyobozi w'isoko rya Kimironko  riremwa n'abaturage basaga 1600 ariko bagenda basimburana, Bahizi Innocent  yemera ko izi robine harimo izapfuye bigatuma amazi asohoka arimake.

Minisitiri w'ubucuruzi n'inganda Soraya Hakuziyaremye avuga ko ibikorwa by'abikorera  amasoko,amaduka,na za restora zigomba kubahiriza amabwiriza yo  gufunga ku isaha ya saa kumi n'ebyiri mu rwego rwo kugira ngo abacuruzi n'abahaha bategure hakirikare amasaha yo kuba bageze mu ngo zabo.

Ni mu gihe hari abaturage batunga agatoki bamwe mu bacururiza mu masoko,amaduka n'amaresitora bagifite imyumvire yo kwishyurana amafaranga mu ntoki ndetse n'abafunga amaduka ku isaha yateganyijwe ariko bagacuruza  bikingiranye, cyane cyane mu nsinsiro zihuriramo abantu benshi.


Jean Paul TURATSINZE



Ba uwambere gutanga igitekerezo

Tanga igitekerezo:



RSS FEED

Perezida Kagame yatangaje ko hari abashoramari bakora inkingo biteguye kuzikorer

COVID19: U Rwanda rwatangiye gutanga doze ya kabiri y'urukingo rwa Pfizer

Perezida Kagame yavuze ko COVID19 yerekanye imbaraga zihishe Afurika yakubakirah

Uko isaha ya saa moya yubahirizwa mu turere 6 tw'Amajyepfo

Guverinoma yongeye kwibutsa abaturage kutadohoka ku ngamba zo kwirinda COVID19

COVID19: Gukingirwa ntibivuze kutandura cyangwa kutanduza- RBC irasaba abantu kw