COVID-19: Abanyeshuri batangiye gusubira ku mashuri nyuma y’amezi 8 bari murugo

Kuri uyu wa Kane icyiciro cya mbere cy’abanyeshuri cyatangiye gusubira ku mashuri nyuma y’amezi 8 basubijwe mu ngo kubera COVID-19.

Kuri stade ya Kigali i Nyamirambo niho aba banyeshuri basangaga amabisi abategereje kugira ngo abajyane ku bigo by'amashuri.

Bitandukanye n'uko ubusanzwe bategeraga muri gare mpuzamahanga ya Nyabugogo bakahahurira n'abandi bagenzi. Ni mu rwego rwo kwirinda akajagari no kugabanya ubucucike bushobora kubaviramo kwandura icyorezo cya COVID 19.

Kwinjira muri stade ya Kigali aho imodoka zari ziparitse umubyeyi wabaga aherekeje umunyeshuri ntiyemererwaga kwinjira.Umunyeshuri yinjiraga yambaye neza agapfukamunwa,agakaraba intoki,agapimwa umuriro bakamuyobora ku modoka imujyana ku kigo yigaho.

Bamwe muri aba banyeshuri bishimira ko nyuma y'amezi agera ku 8 bari mu rugo kubera icyorezo cya COVID19 Nbongeye gusubira kwishuri kandi bigategurwa neza.