Bifuza ko ingano y’amafaranga bemerewe kubikuza yakongerwa

Bamwe mu bakiliya b'ibigo by'imari barifuza ko ikigero cy'umubare w'amafaranga bahererekanya binyuze kuri telefoni wakongerwa ukarenga miliyoni n'igice ku munsi.

Ni mu gihe hari n’abifuza ko kubikuza na sheke bikwiye kurenga miliyoni 5, aho ngo byatuma serivisi yihuta.

Umuyobozi ushinzwe iterambere n'igenzura ry'uburyo bwo kwishyurana muri Banki Nkuru y'u Rwanda, Karamuka John, avuga ko buri wese hari ikigero yemerewe kubikuza bitewe n’urwego ariho ariko bikanajyana no guteza imbere ihererekanywa ry'amafaranga mu buryo bw'ikoranabuhanga.

BNR yemeza ko bitarenze Nyakanga uyu mwaka hari uburyo 2 buzaba burimo gukoreshwa neza bityo ikoreshwa ry'impapuro zizwi nka sheke zibikuza zizaba ziri mu marembera.

Mu myaka 5 ishize, BNR ivuga ko ijanisha ry'abaturage bakoreshaga ikoranabuhanga mu kwishyurana wavuye kuri 20% ukaba ugeze kuri 78% ku musaruro mbumbe w'igihugu

Umubare w'abacuruzi bishyurwa hifashishijwe ikoranabuhanga ngo wavuye ku bihumbi 2 mu myaka 5 ukaba ugeze ku bihumbi 60,000

BNR ivuga ko kugeza ubu abakenera amafaranga y'inoti muri banki n'ibigo by'imari bakorana na byo wagabanutse cyane ukaba uri hagati ya 6-8% y'abakenera amafaranga bose.

Bosco KWIZERA