Bifuza ko ibikorwaremezo byubatswe hirindwa COVID19 byakoreshwa mu kwirinda Ebola

Hari batuye Umujyi wa Kigali n'abawugendamo baturutse mu bice bitandukanye by'Igihugu barasaba ko ibikorwa remezo bifashishaga mu kwirinda icyorezo cya COVID19 byakongera bigakora kuko ngo basanga byanabafasha mu kwirinda icyorezo cya Ebola cyagaragaye muri Uganda.

Ahahurira abantu benshi nko mu masoko, gare no munsinsiro uhasanga abaturage bagenda basuhuzanya abandi bafatanye. Kwinjira byasabaga ko umuturage agomba gukaraba intoki mu rwego rwo kubahiriza ingamba zo kwirinda icyorezo cya COVID 19.

Nyuma y'uko cyigabanije ubukana usanga aho abaturage bakarabiraga mbere yo kwinjira hamwe hamaze gukurwaho,ahandi harangirika ku buryo nta mazi wasangamo.

Abatuye Umujyi wa Kigali n'abawugendamo bavuye mu mpande zose z'igihugu bavuga ko bafite impungenge z'uko nta bwirinzi bukigaragara nyamara mu gihugu cya Uganda haragaragaye icyorezo cya Ebola,mu kukirinda gisaba abaturage bakaraba intoki kenshi.