Yanditswe Jul, 03 2021 17:40 PM | 53,654 Views
Abatuye
n'abakorera mu Mujyi wa Musanze barishimira isura nziza ufite, kubera imihanda
myiza ya Kaburimbo imaze kuwubakwambo, imitunganyize ya za ruhurura, ubusitani
n'inyubako zibereye ijisho.
Umujyi wa Musanze wose uko ungana, ugizwe n'amakoro. Hambere imihanda ya Kaburimbo itarubakwa, ingendo ku binyabiziga n'abanyamaguru zari ingorabahizi.
Usibye umuhanda munini Kigali Musanze Rubavu, na Musanze Cyanika, kuri ubu mu makaritsiye atandukanye hamaze kuzuramo imihanda mishya ya kaburimbo, ibintu byafunguriye amarembo urubyiruko rwihangiye umurimo w'ubunyonzi, abamotari, n'abashoferi bishimira ibyerekezo bishya bigenda bivuka k’uko bituma bakorera amafanga menshi bakiteza imbere.
Abafite inyubako zegereye iyi mihanda n abo bishimira ko zazamuriwe agaciro hari n'ibikorwa by'ubushabitsi byatangiye gukorerwa aho yubatswe
Muri rusange abaturage bishimira ko umujyi wabo ugenda utera imbere bagereranyije n'ibihe bitambutse.
Umuyobozi w'Akarere ka Musanze Nuwumuremyi Jeanine agaragaza imishinga yagutse yo kurimbisha uyu mujyi, ku isonga hakaba ari ugukomeza kubaka imihanda, ubusitani no kuvugurura imiturire.
Mu makaritsiye y'Ibereshi, Mpenge, Nyarubande na Kabaya ni ho huzuye iyi mihanda mishya ya Kaburimbo.
Ahandi huzuye imihanda ni muri Santere ya Kinigi no mu mudugudu w'icyitegererezo uhuzuye, hari na none mu cyanya cy'inganda ahazwi nko mu Ruvunda.
Aha hose haracanye, mu masaha y'ijoro ni urwererane.
Iyubakwa ry'imihanda ryajyanishijwe kandi no kubaka za ruhurura zikumira ahanini amazi ava mu birunga agasenyeraga abaturage.
Umujyi wa Musanze ni umwe mu yunganira Kigali. Isura yawo ihinduka uko bwije n'uko bukeye, inyubako nziza zirawuzamukamo ubutitsa, ubukerarugendo ni inkingi ya mwamba hamwe n'ubushabitsi.
Ibikorwaremezo biri kuba umusemburo w'impinduka, ibyo abawutuye bafata nko kwibohora nyako kandi ngo biteguye kubisigasira ku kiguzi cyose; kuko ari ishema iyo isura nziza yawo yogeye hose
MBARUSHIMANA Pio
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru