Yanditswe Jan, 03 2022 17:33 PM | 32,149 Views
Mu gihe mu karere ka Musanze hakomeje kugaragara ubwiyongere bw'abarwayi ba Covid19, bamwe mu baturage baravuga ko habayeho kudohoka mu kwirinda iki cyorezo mu gihe hari n'abagaragaza ibimenyetso by'iki cyorezo bajya kwivuza mu bavuzi gakondo.
Bamwe mu baturage RBA yasanze ku bigonderabuzima byo mu karere ka Musanze bitabiriye kwipimisha Covid-19, bavuga ko bamenye uko bahagaze nyuma y'aho ubwiyongere budasanzwe bw'iki cyorezo bukomeje kugaragara muri aka karere.
Ni mu gihe kuri ubu mu karere ka Musanze habonetse imibare y'abanduye Covid19 barenga 100 mu munsi umwe, abaturage bavuga ko hari bamwe muri bagenzi babo barimo kugaragaza ibimenyetso bya Covid19 aho kujya kwivuza ku mavuriro abegereye, bakajya mu bavuzi gakondo.
Kuva mu Kwezi gushize kugeza ubu mu karere ka Musanze hamaze kuboneka abarwayi basaga 330 barimo gukurikiranwa bari mu ngo zabo, naho 13 barembye barimo kongererwa umwuka mu bitaro bya Ruhengeri.
Ubuyobozi bw'ibi bitaro bunavuga ko hari abantu 3 bishwe na Covid19 bari bariringiye ubuvuzi gakondo.
Dr Muhire Philbert, Umuyobozi Mukuru w'Ibitaro bya Ruhengeri yasabye abaturage kubahiriza amabwiriza yose yo kwirinda Covid-19 bakitabira kwikingiza bafata inkingo zose, ndetse no kwipimisha kwa muganga bakamenya uko bahagaze bakirinda imiti ya gakondo.
Ibitaro
bikuru bya Ruhengeri bivuga ko mu karere ka Musanze abaturage bamaze gukingirwa
Doze imwe y'urukingo barenga ibihumbi 65, naho abakingiwe inkingo ebyiri barenga ibihumbi 178, mu gihe abamaze
gufata urukingo rushimangira rwa Gatatu ari 6,632.
Robert Byiringiro
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru