Bamwe mu bakoze Jenoside yakorewe Abatutsi muri Rusizi bahawe imbabazi basabwe guhindura abatarahinduka

Mu rugendo rw'isanamitima amadini n'amatorero akomeje guherekezamo abakoze Jenoside yakorewe Abatutsi n'abo bahemukiye mu turere twa Rusizi na Nyamasheke, Itorero Anglican diyosezi ya Cyangugu ryabahaye umukoro wo kujya kwigisha abatarahindura imyumvire, bakigaragara hirya no hino mu giturage.

Iriho Boaz,umunyamabanga Nshingwabikorwa w'itorero Anglican, diyosezi ya Cyangugu avuga ko n'ubwo bamwe baba bararangije ibihano byabo muri gereza, ariko ko hagikenewe kubaka imitima kurushaho.

Ibi byose ababemeye icyaha bakanagihanirwa barasabwa kuba abaganga b'abandi.

Abahemukiwe muri Jenoside yakorewe Abatutsi, n'ubu bavuga ko biteguye gukomeza gutanga imbabazi.

Uyu munsi, amwe mu madini ashimirwa uruhare akomeje kugira mu kunga abahemutse n'abahemukiwe bikaba bikomeza kuzamura icyizere cyo gukomeza gushimangira urugendo rw'ubumwe n'ubwiyunge.