INDWARA ITARAMENYEKANA IMAZE GUFATA ABANYESHURI BASAGA 20

Indwara itaramenyekana imaze gufata abanyeshuri basaga 20 mu ishuri ryisumbuye New Explorers Academy mu karere ka Bugesera.Inzego z’ubuzima ziriho zirakurikiranira hafi iby’iyi ndwara.

Abanyeshuri 24 biga muri New Explorers Girls Academy ni bo bamaze kugaragaraho iyo ndwara bahimbye izina Shake Shake, izina risanisha ingendo y’iyirwaye kubera kugenda ashaka kwitura hasi. 

12 mu bafashwe baratashye bajya kurwarira iwabo abandi bahama mu kigo. 

Abafashwe n'iyo dwara icyo bahurizaho ni uko bababara mu mavi bakagenda bacumbagira bamwe bakaba batava aho bari batishingikirije bagenzi babo.

Umwe mu bagize Itsinda rya Minisiteri y'ubuzima n'abandi bafatayabikorwa ryasuye iryo shuri Gashayija Modeste yavuze ko hagikorwa isesengura ku byavuye mu ngendo bakoze muri iryo shuri kugira ngo hameyekane iby'iyo ndwara n'uko yavurwa ndetse n’uko abanyeshuri bakwitwara.

Ishuri New Explores Girls Academy ryigwamo n'abakobwa gusa 299, iyo ndwara ikaba yaratangiye kwigaragaza muri iryo shuri mu mpera z'umwaka ushize wa 2018, imaze gufata umwama umwe, aravurwa arakira, ariko agarutse ku ishuri iyo ndwara iramusubira,hafatwa n’abandi.

Ni inkuru ya John Bicamumpaka