Amafoto: Umuyobozi wungirije wa FACA yasoje uruzinduko rw'akazi mu Rwanda

Kuri iki Cyumweru tariki ya 02 Ukwakira 2022, Umuyobozi Mukuru Wungirije w'Igisirikare cya Santarafurika (FACA) ushinzwe Operasiyo, Brig Gen Freddy Sakama yasoje uruzinduko rw'akazi yari amazemo icyumweru mu Rwanda.

Uru ruzinduko rwari rugamije gukomeza umubano usanzwe uri hagati y'Igisirikare cy' u Rwanda RDF, ndetse n'Igisirikare cya Santarafurika FACA,

Brig Gen F Sakama n'itsinda bari bari kumwe basuye icyicaro gikuru cy'Ingabo z' u Rwanda ndetse n'amashuri atandukanye y'ingabo z'u Rwanda aho bagiye bahabwa ubusobanuro butandukanye n'amasomo atandukanye.

Basuye kandi Urwibutso rwa Jenoside rwa Kigali bunamira abahashyinguye ndetse banasura Ingoro y'amateka yo guhagarika jenoside.

U Rwanda na Santarafurika bifitanye umubano wihariye mubya gisirikare, aho n'ingabo z'u Rwanda ziri muri iki gihugu gucunga umutekano kubw'amasezerano ibihugu byombi byagiranye, byanatumye amatora y'umukuru w'igihugu aheruka kuba muri iki gihugu aba mu ituze, ntiyanakurikirwa n'imvururu mugihe ibi byari byatutumbye mbere y'uko aba. Izi ngabo ziyongera ku zindi ziri mu butumwa bw'amahoro bw'Umuryango w'Ababibumbye muri iki gihugu MINUSCA.

Jean Paul Niyonshuti