Abikorera barakangurirwa kugira uruhare mw'iterambere ry'umuhora wa ruguru

Abikorera bo mu Rwanda barahamagarirwa kugira uruhare mu mishinga y'iterambere ijyanye n'umuhora wa ruguru, yiganjemo ibikorwaremezo. Mu nama yabahuje muri iki gitondo, umuyobozi w'urugaga rw'abikorera Benjamin Gasamagera yabibukije ko mu nama ya 23 y'abakuru b'ibihugu izabera i Kampala bazaba bahagarariwe, anabagaragariza amahirwe menshi ari muri iyo mishinga yagirira akamaro urwego rw'abikorera mu Rwanda.

Yababwiye ko bakwiriye kwitegura no kumva ko bari muri iyo mishinga, n'ubwo akenshi hagiye hagaragara guseta ibirenge mu mishinga inyuranye yagiye iza kandi bakagombye kuyibyaza umusaruro.