Yanditswe Jul, 23 2021 16:26 PM | 30,279 Views
Bamwe mu
baturage bari mu tugari twagaragayemo umubare munini w'abanduye covid-19
bapimwe kuri uyu wa 5, baravuga ko bigiye kubafasha kumenya uko bahagaze.
Ibipimo by'Ikigo cy'Igihugu cy’Ubuzima byafashwe mu mpera z'icyumweru gishize, byagaragaje ko hari utugari dufite imibare myinshi y'abanduye covid-19 kuko hari utugari dufite ibipimo biri hagati ya 5-10 %.
Iyi mibare y'ubwandu bwinshi buri mu tugari 25 two mu karere ka Gasabo, utugari 16 two mu karere ka Kicukiro n'utugari 4 two mu karere ka Nyarugenge.
Iyi niyo yatumye RBC ikora igikorwa cyo gupima Covid-19 mu buryo bwagutse abatuye muri Kigali ku nshuro ya 2 muri utu tugari.
Dr Albert Tuyishime ukuriye ishami ryo kurwanya no kuvura indwara muri RBC, avuga ko iki gikorwa cyo gupima cyizafasha mu bijyanye no gukumira ihererekanywa rya covid-19.
Yagize ati “Uyu munsi twagiye muri utwo tugari twagaragayemo ubwandu cyangwa virusi nyinshi ari benshi kugirango turebe uko bimeze, nyuma y'umunsi wa 5 cyangwa 6 kuva aho Guma mu rugo itangiriye bikaba binadufasha kumenya ababa banduye iyo virus, noneho bagafashwa uko bikwiye bikanafasha ihererekanywa ry'iyi virus.”
Abaturage batuye mu tugari twagaragayemo covid nyinshi bapimwe, baravuga ko iki gikorwa kigiye kubafasha kumenya uko bahagaze n'uko bakwiye kwitwara.
Mukanyangezi Seraphine wo muri Nyarugenge yagize ati “Ni byiza cyane kubera ko benshi twari dufite impungenge umuntu yitekerezaho agakeka ko ayifite, ariko ibi biradufasha kumenya uko duhagaze.”
Abaturage bangana na 15% mu tugari dufite ibipimo biri hejuru nibo bapimwe.
Dr Tuyishime Albert avuga ko iki gikorwa cyo gupima covid-19 gituma hari abarwayi ba covid-19 batangira gufashwa batararemba.
Imibare izava muri iki gikorwa, izatanga ikigereranyo cy'uko uturere turi muri guma mu rugo twari duhagaze iyi gahunda igitangira, n'uko tuzaba duhagaze mu gihe iyi gahunda izaba isatira umusozo.
Iyi mibare kandi ni nayo igenderwaho mu gihe hafatwa izindi ngamba zo guhangana n'icyorezo.
Kwizera John Patrick
Kuki Intara y'Amajyaruguru ikomeje kugaragaramo ibipimo biri hejuru mu bana bafite imirire mibi ...
Mar 27, 2024
Soma inkuru
MINEMA yasobanuye uko ikomeje gufasha abibasiwe n'ibiza biheruka kwibasira uduce tumwe tw' ...
Mar 27, 2024
Soma inkuru
Abanyamategeko 188 barangije amasomo y'Ubuhuza basabwe kugabanya umubare w'Imanza mu Nkiko
Mar 27, 2024
Soma inkuru
Bugesera: Abaturage basaga ibihumbi 40 bahawe amazi meza
Mar 27, 2024
Soma inkuru
Leta yatangiye kubarura inyubako zayo zidakorerwamo kugira ngo zibyazwe umusaruro
Mar 27, 2024
Soma inkuru
Asaga miliyari 417 Frw yashyizwe muri gahunda zo gufasha abarokotse Jenoside mu myaka 30
Mar 27, 2024
Soma inkuru
Haba hari umuti urambye wa gatanya zishingiye ku mitungo?
Mar 27, 2024
Soma inkuru
Perezida Kagame yakiriye abanyeshuri n’abarimu ba Kaminuza ya Stanford
Mar 26, 2024
Soma inkuru