Abatuye Muhanga na Ruhango basabwe kwitondera iminsi ya Guma mu Rugo barimo

AGEZWEHO

  • Kuri uyu wa mbere hategerejwe isomwa ry’umwanzuro ubushinjacyaha buregamo Rusesabagina – Soma inkuru...
  • RAB yatangaje ko indwara ya muryamo yagaragaye mu ngurube zo mu Rwanda – Soma inkuru...

Abatuye Muhanga na Ruhango basabwe kwitondera iminsi ya Guma mu Rugo barimo

Yanditswe Aug, 01 2021 09:35 AM | 45,156 Views



Ubuyobozi bw’uturere twa Muhanga na Ruhango tumwe mu dufite imirenge myinshi iri muri gahunda ya guma mu rugo mu iyi minsi, buributsa abaturage kwitwararika bikomeye ku mabwiriza yo kwirinda Covid 19, kugirango hatazagira izindi ngamba z’inyongera bahabwa igihe imibare y’ubwandu yakomeza kwiyongera.

Imirenge itandukanye muri utu turere twombi yashyizwe mu gahunda ya guma mu rugo izamara iminsi 14, bamwe mu batuye mu karere ka Muhanga na Ruhango basobanura ko bazi neza ubukana bw’icyorezo cya covid 19, bakanamenya n’icyatumye bashyirwa muri gahunda ya guma mu rugo ari yo mpamvu bitwararika mu kugira aho bajya usibye impamvu yumvikana.

Kugeza ubu Imirenge 7 kuri 12 y’akarere ka Muhanga niyo iri muri gahunda ya guma mu rugo, naho mu karere ka Ruhango Imirenge 6 niyo iri muri iyi gahunda mu gihe aka karere kagizwe n’imirenge 9.  Amabwiriza yarakajijwe by’umwihariko ahahurira abantu benshi kuko nko mu masoko hongerewe umubare w’abakorerabushake ku bufatanye n’abikorera ibintu bavuga ko bizagira impinduka mu kubahiriza amabwiriza y’ubwirinzi bwa covid 19.

Izamuka ry’imibare y’abandura covid 19 muri iyi minsi niryo ryashingiweho mu gushyira imirenge imwe yo hirya no hino mu gihugu muri gahunda ya guma mu rugo, aho nko mu karere ka Muhanga imibare y’abandura ku munsi iherutse kurenga abantu 100, gusa abayobozi b’uturere twa Muhanga na Ruhango bizera ko gushyira abaturage mu rugo bizagabanya ubwandu ariko ngo nabo bakabigiramo uruhare rugaragara.

Umuyobozi w'Akarere ka Muhanga Kayitare Jaqueline yagize ati "Iki cyorezo uko cyagiye kizamuka ngira ngo abaturage babo barakibona, turafatanya n'abaturage twese icyo dushaka ni uko iyi mibare igabanuka ngo dushobore gusohoka."

Uw'akarere ka Ruhango, Habarurema Valens we avuga ko barebye uko imibare ihagaze irimo kumanuka, ku buryo bizera ko iminsi bahawe izaba yagabanutse cyane.

Yakanguriye abaturage ko iyi minsi bahawe bayitwaramo neza.

Gutumbagira kw’abandura n’abicwa na covid 19 kwatumye uturere 8 n’Umujyi wa Kigali dushyirwa muri gahunda ya guma mu rugo mu gihe cy’iminsi 15, gusa utu turere turayisohokamo guhera tariki ya mbere Kanama, mu gihe Imirenge iherutse gushyirwa muri iyi gahunda mu duce tunyuranye tw’igihugu biteganijwe ko izageza tariki 10 Kanama hagafatwa izindi ngamba.

Jean Claude Mutuyeyezu




Ba uwambere gutanga igitekerezo

Tanga igitekerezo:



RSS FEED

Uturere tugize Umujyi wa Kigali twinjiye muri gahunda yo kurwanya Covid 19

Kigali: Baritwaza ko bakingiwe ntibubahirize amabwiriza yo kwirinda COVID19

Mu Mirenge y’Umujyi wa Kigali hatangijwe ubukangurambaga bwihariye bwo kur

Sitade irimo kujyamo abantu kandi mu bipimo dufata ntiturimo kubona ko abajyamo

U Rwanda rwakuyeho akato ku bagenzi baturuka mu Buhinde no muri Uganda

U Rwanda rwakiriye doses 200.000 z'inkingo zo mu bwoko bwa Astra Zeneca