Yanditswe Jul, 09 2021 17:57 PM | 76,398 Views
Abashakashatsi
mu rwego rw'ubuvuzi, bavuze ko abaturage bakwiye kwitwararika kurushaho
kwirinda icyorezo cya Covid-19, kuko ubwandu bushya bwa Covid-19 bushobora kuba
bwarageze mu Rwanda.
Abaturage bo hirya no hino mu Mujyi wa Kigali barimo kugana ibigo nderabuzima ku bwinshi, bipimisha Covid-19 ku bushake kugira ngo bamenye uko bahagaze.
Ku bigo nderabuzima bitandukanye nka Kinyinya na Remera mu Karere ka Gasabo, ni hamwe mu ho abaturage bazindukiye bajya kwipimisha covid-19 kugirango bemenye uko bahagaze.
Mu Biryogo kandi muri Nyamirambo Akarere ka Nyarugenge, abaturage batonze umurongo kugira ngo bapimwe Covid-19.
Kuba hari bamwe mu bo baturanye na bo banduye Covid-19, ni kimwe mu bituma bashishikarira kumenya uko bahagaze.
Kugeza ubu ubwitabire bw'abagana ibigo nderabuzima bumaze kurenga ubushobozi bwabwo, kuko ababigana basuzumwa ku buntu covid-19.
Umuganga w'inzobere mu ndwara z'uruhererekane akaba n'umwarimu muri Kaminuza, Prof.Leon Mutesa avuga ko mu minsi itatu virus ishobora kwihinduranya inshuro zirenga 100, kandi yandura ku muvuduko wo hejuru.
Kwirara kwa bamwe biri mu bishobora ngo gushyira imbaga y'abantu batari bake mu kaga kandi nyamara kwirinda bishoboka.
Minisitiri w'Ubuzima Dr Ngamije Daniel yagiriye inama abanyarwanda yo kutirara ku ngamba zo kwirinda Covid-19, kuko ubu ifite ubukana budasanzwe.
Mu cyumweru kimwe gusa mu Rwanda hamaze kuboneka abarwayi bashya ba covid-19 basaga ibihumbi 6.
Kwizera John Patrick
Perezida Kagame yamwenyuye nyuma y'intsinzi ya Arsenal FC
Apr 24, 2024
Soma inkuru
APR FC yegukanye igikombe cya shampiyona ku nshuro ya 22
Apr 20, 2024
Soma inkuru
Bayer Leverkusen yegukanye igikombe cya mbere cya Shampiyona y’u Budage
Apr 14, 2024
Soma inkuru
#Kwibuka30: Arsenal FC na Bayern Munich byafashe u Rwanda mu mugongo
Apr 07, 2024
Soma inkuru
U Rwanda rwazamutse imyanya ibiri ku rutonde rwa FIFA
Apr 04, 2024
Soma inkuru
Dr Adel Zrane watozaga muri APR FC yitabye Imana
Apr 02, 2024
Soma inkuru
Uko Tennis yabereye Umulisa Joselyne umuti wamwomoye ibikomere bya Jenoside
Apr 01, 2024
Soma inkuru
Basketball: Amakipe ya APR yatanze Pasika ku bakunzi bayo
Mar 30, 2024
Soma inkuru