Abaturage baragirwa inama yo kwirinda gusesagura mu minsi mikuru

AGEZWEHO

  • Abaturage bari baratinze kwikingiza Covid19 bavuze ko bagize impungenge zidafite ishingiro – Soma inkuru...
  • Abanyamuryango ba Koperative COPCOM barishimira icyemezo cy'urukiko rwahamije icyaha abanyereje umutungo wayo – Soma inkuru...

Abaturage baragirwa inama yo kwirinda gusesagura mu minsi mikuru

Yanditswe Dec, 25 2021 17:47 PM | 79,785 Views



Bamwe mu mpuguke mu bukungu bavuga  ko abaturge bagomba kwitwararika mu gukoresha amafranga muri iki gihe bizihiza iminsi mikuru ariko hakiri n' icyorezo cya Covid-19 kuko n’ubundi bazakenera kubaho nyuma y’iminsi mikuru. 

Mu gitondo cya Noheli, ku ibagiro rya Nyabugogo, akazi ni kenshi. Aho bacururiza inyama na ho abakiriya ni benshi.

Bamwe mu bakiriya bavuga ko bari kwizihiza umunsi wa Noheli neza nubwo ari mu bihe bidasanzwe kandi bazirikana kwizigama nk'isomo bakuye mu cyorezo cya Covid-19.

Bamwe mu bacuruzi twasanze hirya no hino mu Mujyi wa Kigali bavuga ko bakomeje imirimo nk'ibisanzwe kandi ko nubwo abakiriya batabaye benshi nko mu myaka yashize bakoresha neza ayo babonye bagamije guteganyiriza ejo hazaza.

Kuba iyi minsi mikuru ihuriranye n'icyorezo cya Covid19, kandi kigira ingaruka cyane ku bukungu. Impuguke mu bukungu zibiheraho zikajya inama yo kwirinda gusesagura nk'isomo rikomeye buri  wese yakura mu cyorezo cya Covid19, nkuko bisobanura na Staron Habyarimana Impuguke mu bukungu. 

Ubusanzwe, iminsi mikuru ya Noheli n'ubunani ni iminsi yizihizwa cyane hategurwa ibirori bihuza abantu benshi, ndetse abantu bishimisha mu buryo butandukanye haba mu guhana impano, gutembera, ibitaramo, no gutegura amafunguro adasanzwe ariko kuri ubu bimwe muri ibi bikaba bidashoboka uko bisanzwe kubera icyorezo cya Covid19. 

Gusa impuguke mu bukungu zikaba zijya inama ko mu kwitegura uyu munsi hajya habaho kuyizigamira hakiri kare kandi kwishimisha ntibirenze urugero rwatuma nyuma yayo hakurikiraho ubukene mu muryango. 

Fiston Félix HABINEZA



Ba uwambere gutanga igitekerezo

Tanga igitekerezo:



RSS FEED

Noheli yizihirijwe mu miryango, hari abadafite amafunguro bagobotswe

Uko Noheli yizihijwe mu nsengero na kiziliya gatolika

Nyaruguru: Isura yo kwizihiza umunsi mukuru wa noheli mu cyaro

Abakora mu nzego z'ubuzima n'iz'umutekano barashimirwa ubwitange

Basanga iyo badakurwa mu bishanga imvura yaguye kuri noheli yari kubahitana

Barishimira kuba babyaye ku munsi mukuru wa noheli