Abaturage 2500 bahoze mu burembetsi muri Nyagatare bari mu bikorwa byo kubaka Igihugu

AGEZWEHO

  • Akarere ka Gisagara kagiye guha amabati asaga 200 abatuye bahuye n’ibiza – Soma inkuru...
  • Ibigo 3 by’ubwishingizi mu buvuzi ntibivuga rumwe n’ihuriro ry’amavuriro yigenga – Soma inkuru...

Abaturage 2500 bahoze mu burembetsi muri Nyagatare bari mu bikorwa byo kubaka Igihugu

Yanditswe Jan, 12 2022 16:38 PM | 5,397 Views



Abahoze bambutsa ibiyobyabwenge n'amagendu babikuye mu bihugu by'abaturanyi mu karere ka Nyagatare, baravuga ko ubu nyuma yo guhabwa akazi na leta y'u Rwanda imibereho yabo imaze guhinduka ku buryo bamaze kuzinukwa ibyo bikorwa byatumaga banafungwa.

Hashingiwe ku rugero rw’Umurenge wa Tabagwe nk'umwe mu mirenge yari yarazengerejwe n’ibikorwa bya magendu no kwinjiza ibiyobyabwenge, kuri ubu abahoze muri ibyo bikorwa bakaza kubireka bibumbiye mu itsinda abemeye guhinduka ubu rigizwe n’abarimo urubyiruko n’abakuru bagera kuri 500. Kuri ubu bamaze amezi atanu leta y’u Rwanda ibahaye akazi k'amaboko ko gukora imihanda. 

Bavuga ko aka kazi kahinduye ubuzima bwabo dore ko kumunsi buri mukozi ahembwa amafaranga ibihumbi bibiri.

Uretse abahawe aka kazi, n'abaturage basanzwe mumboni zabo bemeza ko bigaragara ko imirimo aba bahoze ari abarembetsi bahawe na leta yatumye bahinduka kandi ikaba n'ingirakamaro ku nyungu rusange.

Gusa aba bahoze mu burembetsi basaba ko mu kurushaho gutera imbere, abakiri urubyiruko bafashwa mu kubona amashuri y’imyuga bakiyungura ubumenyi, mu gihe abakuru nabo basanga bafashwa gutekereza indi mishinga yaguye yatuma bakomeza kurushaho gutera imbere.

Murekatete Juliette, umuyobozi w'aka karere wungirije ushinzwe imibereho y’abaturage, ashima imyitwarire yo guhinduka igaragazwa n'aba baturage, akabizeza ko ibyo byifuzo bafite byo gukomeza gufashwa gutera imbere bigomba kuzirikanwa.

Imibare igaragaraza ko kugeza ubu abari muri iyi mirimo y’amaboko mu karere kose ka Nyagatare bagera ku 2500.

Maurice Ndayambaje



Ba uwambere gutanga igitekerezo

Tanga igitekerezo:



RSS FEED

Akarere ka Gisagara kagiye guha amabati asaga 200 abatuye bahuye n’ibiza

Ibigo 3 by’ubwishingizi mu buvuzi ntibivuga rumwe n’ihuriro ry&rsquo

Imvura yateje ibiza muri Rubavu yishe umuturage isenya n’inzu

Umuvugizi wungirije wa Guverinoma y’u Rwanda yavuze ku ruzinduko rwa Gen K

Akarere ka Nyagatare kahagurukiye ababyeyi bashyira abana mu mirimo ibatesha ish

Perezida Nyusi yasuye inzego z'umutekano z'u Rwanda na Mozambique