Abatoye mu matora y’ibyiciro byihariye basabye abatowe kuzababera intumwa nziza

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Abatoye mu matora y’ibyiciro byihariye basabye abatowe kuzababera intumwa nziza

Yanditswe Nov, 09 2021 15:22 PM | 29,242 Views



Bamwe mu bagize ibyiciro by'abagore, urubyiruko n'abafite ubumuga barasaba abatorewe kubahagararra ku rwego rwa buri Karere kwihutisha gahunda zadindiye no gukomeza ubuvugizi amategeko n'amabwiriza arengera ibi byiciro bikarushaho kubahirizwa

Mukandoha Maria Goreth yavuze ko intwambwe ibi byiciro byateye ishimishije, ariko ngo hari imishinga yabo ikeneye kuzamurwa n'uburenganzira bemererwa n'amategeko y'u Rwanda batarageraho uko bikwiye

Ati "Imishinga y'abagore benshi irabananira, byabananira akarekera iyo ibindi bikabura isoko bakayoberwa aho babijyana. Batwegereye bakanatuvuganira bakadushakira isoko, ibyo dukora bikagira icyo bitumarira."

Abatoye bavuga ko kugeza ubu hari aho ukijyera ugasanga nk'ujyendera ku kagare hari aho adashobora kugera, bisaba ko bamuterura.

Umwe mu batorewe guhagararira abagore  mu mujyi wa Kigali, Kamashazi Donah avuga ko icyorezo cya Covid19 cyagize uruhare runini mu kudindiza imishinga y'abagore, mu byo bagomba gushyiramo imbaraga hakaba harimo gukora ubuvugizi bugamije kuyizahura.

Minisitiri w'Uburinganire n'Iterambere ry'Umuryango, Prof Bayisenge Jeannette avuga ko uruhare rw'izi nzego ari ingenzi mu iterambere ry'igihugu, akavuga ko leta izakomeza kuziba hafi kugira ngo zuzuze neza inshingano abazikuriye basezeranyije ababatoye.

Aya matora yabaye mu mutuzo, ariko hakaba hagaragayemo guhanganisha ibitekerezo mu buryo bukomeye kugira ngo abatora babone aho bahera bahitamo abagomba kuzabahagararira.


Jean Paul Maniraho 




Ba uwambere gutanga igitekerezo

Tanga igitekerezo:



RSS FEED

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe

Dr Ndagijimana yavuze ku izamuka ry’ubukungu ku gipimo cya 10.2% n'uk