Abatorewe mu midugudu basanga hakwiye kujyaho umurongo wo guhabwa amakuru

AGEZWEHO

  • Imishinga 4 y’urubyiruko igiye guhabwa igishoro cya miliyoni 10 Frw – Soma inkuru...
  • Suede yahaye u Rwanda inkunga ya Miliyari 8 Frw – Soma inkuru...

Abatorewe mu midugudu basanga hakwiye kujyaho umurongo wo guhabwa amakuru

Yanditswe Oct, 23 2021 18:13 PM | 76,723 Views



Bamwe mu batorewe kuyobora imidugudu basanga inshingano batorewe zitagerwaho neza mu gihe haba hatari umurongo mwiza wo gusangira amakuru agenewe abaturage.

Minisitiri w’Ubutegetsi bw’igihugu avuga ko ikibazo cyo kubonera amakuru ku gihe kiri mu bizaherwaho bikemurwa.  

Imbere y’inteko itora  mu mudugudu w’ubumwe mu karere ka Gasabo, Irakiza Deo ariyamamariza kujya muri komite nyobozi y’umudugudu nk’ushinzwe umutekano.

Inteko itora yari igizwe n’abatowe ku rwego rw’isibo ndetse na komite nyobozi z’abagore n’urubyiruko kuri buri mudugudu.

Abatowe ni abantu batanu bagizwe n'Umukuru w’umudugudu; Ushinzwe umutekano; Ushinzwe imibereho myiza; Ushinzwe iterambere n'Ushinzwe amakuru.

Bamwe mu batowe biyemeje ko bazuzuza neza inshinganno, ariko basaba koroherezwa mu bijyanye no kubonera  ku gihe amakuru agenewe abaturage.

Bamwe mu baturage bitabiriye amatora bagaragaza icyizere bafitiye aba bayobozi batoye bakabizeza ubufatanye.

Minisitiri w’Ubutegetsi bw’Igihugu Gatabazi Jean Marie Vianney yashimiye abayobozi b’imidugudu bacyuye igihe, yibutsa abatowe ko umuturage ari we zingiro rya byose, bito rero ko ibikorwa byose bigomba kuba bigamije imibereho myiza ye.

Minisitiri w’Ubutegetsi bw’Igihugu yibukije abaturage ko nta muyobozi w’umudugudu ukwiye kubabangamira anyuranya n’indangagaciro na kirazira z’umuco nyarwanda, ngo bakomeze bamurebere ko ahubwo bazajya babimenyesha inzego agasimbuzwa hakiri kare.



Ba uwambere gutanga igitekerezo

Tanga igitekerezo:



RSS FEED

Uturere twabonye abajyanama bashya

Abagore 5 muri buri karere binjiye mu Nama Niyanama