Abasenateri basabye MININFRA kwita ku bibazo bikigaragara mu miturire n'imitunganyirize y'Imijyi

Abagize komisiyo y'ububanyi n'amahanga, ubutwererane n'umutekano muri Sena basabye Minisiteri y'Ibikorwaremezo kwita ku bibazo bikigaragara mu miturire n'imitunganyirize y'Umujyi

Bamwe mu bagize iyi komisiyo bavuga ko imikoreshereze y'ubutaka, ibikorwa remezo bishyirwaho n'imicungire y'amazi mu mijyi biteye inkeke ku iterambere rirambye ryayo by'umwihariko Umujyi wa Kigali kuko utuwe cyane kandi ibikorwa remezo ufite bikaba bidahagije.

Bamwe mu batuye Umujyi wa Kigali bavuze ko hari ibice byawo byatangiye kugaragaramo ingaruka z'imuturire yangiza ibidukikije, bagatanga urugero rw'inzu zihora zisanwa kubera ubukonje buva mu butaka.

Umunyamabanga wa Leta muri Minisiteri w'Ibikorwa remezo, Eng Uwase Patricie avuga ko bimwe muri ibi bibazo bikomoka ku makosa amaze igihe kirekire, ngo igisubizo ni ukayakosora no gukumira ibibazo bishya ariko byose bizashingira ku bushobozi buzaba bwabonetse.

Ibi biganiro bizamara ibyumweru bitatu hagamijwe kugenzura ishyirwa mu bikorwa ry'amasezerano mpuzamahanga ku mihindagurikire y'ikirere yashyiriweho umukono i Rio de Janeiro muri Bresil mu mwaka wa 1992

Jean Paul Maniraho