Yanditswe Jun, 12 2020 09:07 AM | 27,411 Views
Raporo
ya Komisiyo y’ubukungu muri sSna igarazaga ko hirya no hino mu gihugu
hakomeje kugaragara ikibazo gikomeye mu micungire ndetse n’imikoranire mu
makoperative, bikaba bidindiza iterambere ry’abanyamuryango b’amakoperative.
Ni raporo yakozwe ku mikorere n’imikoranire y’amakoperative mu turere 15 kuri 30 tugize igihugu, aho hagiye hafatatwa uturere 3 muri buri ntara 4 z’igihugu n’Umujyi wa Kigali. Bamwe mu banyamuryango b’amakoperative bagiye binubira imyitwarire ya bamwe mu bayobozi babo.
Mu biganiro iyi komisiyo yagiranye n’inzego zitandukanye barimo basuzuma politiki nshya yo guteza imbere amakoperative yemejwe muri Kamena 2018. Iyi politiki iteganya uburyo bwo gukosora ibyari bibangamiye imikorere y’amakoperative hagamijwe kunoza imikorere n’imikoranire y’inzego za Koperative, imicungire y’amakoperative, kongera uruhare rw’inzego z’ibanze mu gukurikirana imikorere n’imicungire y’amakoperative.
Ku ruhande rw’ Ikigo k’Igihugu gishinzwe Amakoperative RCA , Prof Jean Bosco Harelimana yemera ko Ikibazo cy’ ubushobizi buke bushingiye ahanini ku bumenyi biri mu bikoma mu nkokora uru rwego, hakiyongeraho ikibazo cy’imikoranire hagati y’amakoperative n’ibigo by’imari.
Umubare w’amakoperative mu Rwanda , wavuye kuri 919 mu 2005 ugera ki 10,025 muri 2019 mu gihe abanyamuryango bayo bagera ku 5,211,286 bangana na 67.9% by’Abanyarwanda bageze igihe cyo gukora.
Bamwe mu basenateri bagaragaje impungenge batewe n’imicungire y’amakoperative basanga hagiye kugira igikorwa ngo zikurweho.
Iyi raporo ya Sena ishimangira uruhare rw’amakoperative mu kuzamura imibereho y’abaturage mu gihe gahunda ya Guverinoma y’imyaka irindwi 2017- 2024, NST1 iteganya ko Amakoperative azagira uruhare mu guhanga imirimo itari iy’ubuhinzi-bworozi 1,500,000 bingana na 214,000 ku mwaka. Inteko rusange y’umutwe wa Sena yanzuye ko uhagarariye guverinoma azaza gusobanura ibijyanye n’iyi gahunda.
EddySABITI
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru