Abarimu n'abanyeshuri bo muri za kaminuza ziherutse gufungwa burundu bari mu gihirahiro

AGEZWEHO

  • Perezida Kagame yasabye abarangije muri UGHE kugira uruhare mu gukemura ibibazo biri mu buzima – Soma inkuru...
  • Agahimbazamusyi, gutizanya ‘gilets’: Ibibazo byugarije urubyiruko ruguhangana na COVID19 – Soma inkuru...

Abarimu n'abanyeshuri bo muri za kaminuza ziherutse gufungwa burundu bari mu gihirahiro

Yanditswe Jul, 07 2020 10:22 AM
48,982 Views



Bamwe mu banyeshuri bo mu mashuri makuru na kaminuza 3 byambuwe uburenganzira bwo kongera gutanga amasomo andi agafungwa burundu barasaba Minisiteri y'Uburezi ko yabashakira imyanya mu zindi kaminuza zabakira.

Abarimu bigishaga muri aya mashuri barifuza ko bakwishyurwa  ibirarane by'imishahara yabo batahembwe.

Kaminuza 3 ziherutse gufungwa zirimo Ishuri  Rikuru Ndangaburezi rya Ruhango ryatangaga amasomo y'uburezi, Kaminuza ya Kibungo izwi nka INATEK ndetse na Kaminuza ya Gikiristo y'u Rwanda izwi nka CHUR.

Bamwe mu banyeshuri bigaga muri izi kaminuza bavuga ko batewe impungenge n'uko hari abari bararangije kwishyura amafaranga y'ishuri, kuri ubu bakaba batazi niba bazabona ahandi biga.

Ku rundi ruhande abarimu bigishaga muri izi kaminuza bavuga ko zibabereyemo amafaranga menshi batahembwe nabo bagasaba ko bakorerwa ubuvugizi bakishyurwa.

Impuguke mu burezi Dr Ruzibiza  Aloys avuga ko guhagarika ishuri runaka hashingirwa ku bipimo by'ireme ry'uburezi ritanga,imibereho y'abarimu n'abanyeshuri. Kuba hafatwa icyemezo cyo gufunga aya mashuri ngo biba byarakorewe ubugenzuzi bw'igihe kirekire kandi bakamenyeshwa ibyo batujuje bagasabwa ku byuzuza byabananira bagafungirwa mu rwego rwo guteza imbere ireme ry'uburezi.

Umuyobozi mukuru w'inama y'amashuri makuru na kaminuza Dr Rose Mukankomeje  avuga ko izi kaminuza zitangira gukora hari ibyo zari zasabwe kwerekana zirabitanga, ibisigaye na byo bitaratungana ziyemeza kubyuzuza.

Kuva mu mwaka wa 2017 zakorewe ubugenzuzi zigirwa inama kugeza ubwo hari ibyo batabashije guzuza bamburwa ibyangombwa abandi  barafungirwa.

Ku kibazo cy'abanyeshuri bafite impungenge z'uko bazabura kaminuza zabakira, uyu muyobozi avuga ko bakoze urutonde rw'abanyeshuri n’amasomo bigaga ku buryo bazashakirwa ahandi bakomereza bitewe n'ibyangombwa bazasabwa kwerekana.

Ku kibazo cy'abarimu baberewemo ibirarane by'imishahara ngo bazumvikana n'ibigo byabakoresheje hashingiwe ku itegeko rigenga umurimo. Na ho amafaranga y'ishuri abanyeshuri bari barishyuye ngo hazafatwa icyemezo nyuma yo kuganira n'abayoboraga aya mashuri makuru.


Jean Paul TURATSINZE



Ba uwambere gutanga igitekerezo

Tanga igitekerezo:



RSS FEED

Uzashaka kwimura umwana atabikwiriye azabihanirwa-Min. Mutimura

Hagaragajwe imbogamizi zikibangamiye ireme ry’uburezi

INAMA KU BANYESHURI MBERE YO GUHITAMO AMASHAMI BAZIGAMO

Abarimu n’abanyeshuri barasaba ko ingengabihe yasubizwa muri Nzeri

Abarimu bagera ku 70000 mu gihugu batangiye itorero ry'indemyabigwi

Ingengo y'imari ikeneye kongerwa ngo habeho irerero rimwe muri buri kagari-