Abanyeshuri basoza amashuri abanza hafi ibihumbi 230 batangiye ibizamini bya Leta - AMAFOTO

Abanyeshuri 229,859 bazindukiye mu bizamini bisoza amashuri abanza, aba banyeshuri bavuga ko biteguye neza ibi bizamini kuko bakoze bizamini by'isuzuma bihagije ku buryo buteguye gutsinda ibizamini.

Minisitiri w'uburezi Dr Uwamariya Valentine ni we watangije ibi bizamini mu Karere ka Rwamagana ku rwunge rw'amashuri rwa Nyagasambu ahakoreye abanyeshuri 633.

Ikizamini cy'imibare ku ikubitiro nicyo abanyeshuri basoza amashuri abanza bahereyeho.

Byari biteganyijwe ko abanyeshuri 229859 ari bo bakora ibisamini bisoza amashuri abanza mu gihugu hose, aba barimo abakobwa 126,342 n'abahungu 103,517 aba bose bakoze baturutse mu mashuri 3,556 bakorera kuri centre z'ibizami 1,095.

Minisitiri w'Uburezi Dr Uwamariya Valentine avuga ko imyiteguro y'ibizamini yagenze neza muri rusange kuko abanyeshuri babonye umwanya uhagije wo kwiga bitandukanye n'umwaka ushize aho icyorezo cya COVID-19 cyari kigifite ubukana bikagira ingaruka ku myigire y'abanyeshuri.