Abanyarwanda n’inshuti zabo baba mu gihugu cya Malawi bizihije umunsi wo kwibohora ku nshuro ya 28

Abanyarwanda n’inshuti zabo baba mu gihugu cya Malawi bizihije umunsi wo kwibohora ku nshuro ya 28, ni igikorwa kandi cyitabiriwe na Minisitiri w’ububanyi n’amahanga wa Repubulika ya Malawi, abambasaderi batandukanye bahagarariye ibihugu byabo muri Malawi n'abandi bakunda u Rwanda.

Ambasaderi w’u Rwanda muri icyo gihugu, Rugira Amandini yagaragaje uruhare rwa RPF Inkotanyi mu guhagarika jenoside yakorewe abatutsi ndetse anagaruka ku iterambere u Rwanda n’abanyarwanda bagezeho uyu munsi, ko byose bikeshwa ubuyobozi bwiza burangajwe imbere na Perezida wa Repubulika.

Yavuze ko igitambo n’ubutwari by’abagabo n’abagore babohoye igihugu, aribyo bituma abanyarwanda bishimira uyu munsi kandi bakaba intangarugero no kuruhando mpuzamahanga nk’igihugu cyateye imbere byihuse bityo ko hari impamvu ikomeye yo kwizihiza uyu munsi wo kwibohora aho abayarwanda baba bari hose ku isi.