Abanyarwanda 9 bajyanye Uganda mu rukiko kubera ihohoterwa bakorewe

AGEZWEHO


Abanyarwanda 9 bajyanye Uganda mu rukiko kubera ihohoterwa bakorewe

Yanditswe August, 14 2019 at 12:34 PM | 6870 Views



Abanyarwanda 9 bahohotewe mu gihugu cya Uganda, kuri uyu wa Kabiri batanze ikirego mu Rukiko rw'Umuryango wa Afurika y'Iburasirazuba. Aba banyarwanda bavuga ko biyambaje urukiko kugira ngo barenganurwe kubera ihohoterwa bakorewe, bagatotezwa ndetse bakameneshwa basize imutungo yabo.

Aba banyarwanda bareze Leta ya Uganda, aho bishyize hamwe ari abantu 9 bagiye barekurwa mu bihe bitandukanye, bakaba bahagarariwe n'umwunganizi mu mategeko Me Emmanuel Butare, utashatse kugira icyo atangariza abanyamakuru.

Rev Pst Singirankabo Jean De Dieu yari amaze imyaka 15 atuye mu gihugu cya Uganda, aho yakoraga umurimo w'ivugabutumwa akagira n'umuryango utari uwa leta ufasha abatishoboye, mu gihe Moses Rusa we yafashwe agiye gusura abana be bahiga n'abavandimwe bahatuye muri Uganda.

Bombi bemeza ko ibyo bakorewe binyuranyije n'uburenganzira bwa muntu, bakasaba kurenganurwa ndetse bagahabwa n'indishyi z'akababaro, kandi n'abandi banyarwanda bafungiye muri Uganda mu buryo bunyuranyije n'amategeko bakarekurwa.

Iki ni ikirego cya kabiri uru rukiko rwakiriye, aho bamwe mu banyarwanda bahohotewe mu gihugu cya Uganda barega iki gihugu basaba ubutabera, aho bavuga ko uburenganzira bwabo bwahungabanyijwe.

Inkuru mu mashusho


Jeannette UWABABYEYI



Ba wambere gutanga igitekerezo

Tanga igitekerezo:



RSS FEED

U Rwanda na Uganda mu masezerano agamije guhagarika ubwumvikane buke

I Kigali umuganda wakorewe mu mudugudu w'icyitegererezo wa Karama

ABANYARWANDA BAREZE UGANDA KUBAFUNGA MU BURYO BUNYURANYIJE N’AMATEGEKO

MINISANTE IRASABA ABANYARWANDA KWIRINDA EBOLA

Uganda yashyikirije u Rwanda umurambo w'Umunyarwanda uherutse kuraswa

UBUHAMYA BW'ABANYARWANDA 9 BAHOHOTEWE MURI UGANDA