Abantu batatu bahitanwe n'imvura yaguye mu karere ka Huye

Abantu batatu barimo umugore umwe n'abagabo babiri, nibo bahitanwe n'imvura yaraye iguye mu ijoro ryakeye mu Kagali ka Byinza mu Murenge wa Kinazi mu karere ka Huye.

Iyi mvura yatangiye kugwa ahagana saa moya za n’ijoro igwa iminota itarenze 30, gusa abaturage baravuga ko yari irimo umuyaga udasanzwe.

Uretse aba bantu bitabye Imana, hangiritse inzu nyinshi zitaramenyekana izindi zasenyutse burundu, hangirika kandi inyubako y'ishuri ku kigo cya Ecole Primaire Buremera.

Abaturage batuye muri aka kagali bahuye n'ibi biza, bavuze ko basaba ubuyobozi bw'akarere kubagoboka byihutirwa kuko bamwe bakuwe mu byabo n'iyi mvura nyuma yo kubasenyera.