Abana 23 bagororwa n’Umuryango Centre Cyprien & Daphrose Rugamba basubijwe mu miryango

AGEZWEHO

  • Abanyamahanga bari mu Rwanda bashimye ingamba leta yafashe mu guhangana na Covid19 – Soma inkuru...
  • Ku nshuro ya Mbere Youthconnekt Africa Summit igiye kubera hanze y’u Rwanda – Soma inkuru...

Abana 23 bagororwa n’Umuryango Centre Cyprien & Daphrose Rugamba basubijwe mu miryango

Yanditswe Sep, 17 2021 19:19 PM | 108,442 Views



Kuri uyu wa Gatanu, Umujyi wa Kigali ku bufatanye n’Umuryango Centre Cyprien & Daphrose Rugamba, batashye Irerero ry’abana bato ryubatswe muri Centre ya Batsinda mu karere ka Gasabo, banasubiza mu miryango abana 23 bari bamaze igihe bagororwa n’uyu muryango.

Uyu muryango watangijwe mu 1992, ukaba warashinzwe na Rugamba Cyprien n’umugore we Daphrose Mukansanga.

Muri Jenoside yakorewe Abatutsi, Rugamba na Mukansanga barishwe gusa basiga bashinze umuryango CECYDAR, ukomeza kwita ku bana bagaragaraga bari mu mihanda.

Kuri uyu wa Gatanu, nibwo CECYDAR yahaye ababyeyi abana babo 23 bakomoka ahanini mu Mirenge wa Gisozi, Kinyinya na Nduba mu karere ka Gasabo, bari bamaze igihe bagororwa.

Umuyobozi w’Ishami ry’igororamuco muri CECYDAR, Mushashi  Christine avuga ko uyu muryango wakira abana ukabaha uburere ubavanye mu mihanda, ukabigisha imyitwarire myiza ndetse n’ababyeyi.

Avuga kandi ko batoza ababyeyi b’aba bana kumenya inshingano zabo, bakabafasha gukemura ikibazo cy’amakimbirane mu miryango, ndetse bakabakangurira kwishyira hamwe, kwizigamira no kubafasha mu mishinga batanginje ngo bivane mu bukene.

Yagize ati “Ubu dufite amatsinda atatu twafashije guhinga imboga, kandi izo mboga tuzigura n’abo babyeyi tukajya kuzigaburira abana bari mu bigo ngororamuco, umwana wese ugiye mu ishuri kandi turamurihirira kugeza ashoje amashuri yisimbuye, cyangwa akaba yakwiga imyuga, tukanamufasha mu buzima bwo kwihangira umurimo.”

Avuga ko uyu muryango umaze gufasha abana barenga ibihumbi bitandatu kuva mu muhanda.

Ikigo cy’Igihugu gishinzwe Igororamuco, gishima uyu muryango ku nshinga wafashe zo gufasha abana bana bari mu mihanda kuyivamo, kikaba kinavuga ko ko kuva mu mwaka ushize abana bamaze kuva mu muhanda bakaguma iwabo bagera ku bihumbi bitatu.

Umuyobozi w’iki kigo, Fred Mufulukye ati “Muri abo 84% bagumye mu miryango basubira no mu ishuri, abangana na 7.7% baraza bagasubirayo.”

Yongera kwibutsa abana gucika ku muco wo kuba mu muhanda kuko nta cyiza kihaba uretse kuhavana ingeso mbi, asaba abayobozi mu nzego zibanze kujya bamenya impamvu abana bava mu ishuri, kugira ngo ibi bibazo bijye bikurikiranwa hakiri kare.

Ubuyobozi bw’Umujyi wa Kigali nabwo bwijeje uyu muryango gukomeza gufatanya nawo muri iyi gahunda biyemeje.


James Habimana 




Ba uwambere gutanga igitekerezo

Tanga igitekerezo:



RSS FEED

Ku nshuro ya Mbere Youthconnekt Africa Summit igiye kubera hanze y’u Rwan

Abanyarwanda bishimiye impanuro perezida Kagame yatanze mu kwizihiza imyaka 25 y

Motema Pembe yo muri RDC yatsinze AS Kigali mu mikino wa CAF Confederation Cup

AMAFOTO: Minisitiri Gatabazi yitabiriye igikorwa cyo koroza Inka abaturage bo mu

Abantu batatu bahitanwe n'imvura yaguye mu karere ka Huye

RIB yaburiye abakoresha imbuga nkoranyambaga kwitondera ibyo bazitangarizaho