Abagenzuzi b'ubuziranenge mu kigo RICA bakoze Ubugenzuzi bw'ubuzirange bw'inyama mu isoko rya Kimironko

AGEZWEHO

  • Muri Nyagatare hatashywe ibikorwaremezo bifite agaciro karenga miliyoni 80 Frw – Soma inkuru...
  • Perezida Kagame yageneye inkunga abaturage basenyewe n’ibiza muri Gisagara – Soma inkuru...

Abagenzuzi b'ubuziranenge mu kigo RICA bakoze Ubugenzuzi bw'ubuzirange bw'inyama mu isoko rya Kimironko

Yanditswe Dec, 31 2021 16:42 PM | 73,976 Views



Hagamijwe kugenzura ubuziranenge bw'ibiribwa cyane cyane ubw'inyama muri iyi minsi mikuru isoza umwaka, uyu munsi abagenzuzi b'ubuziranenge b'Ikigo cy'Igihugu gishinzwe Ubugenzuzi bw'ubuziranenge ihiganwa mu bucuruzi no kurengera abaguzi (RICA) bakoze Ubugenzuzi bw'ubuzirange bw'inyama mu isoko rya Kimironko.

Muri iri soko bahafatiye inyama z'inka 8 zihwanye n'Ibiro 720 zabazwe zidapimwe, banafatira ibiro 52 by'inyama zari mu mafrigo zatakaje ubuziranenge nyuma yo kumaramo igihe kinini aho zari zatangiye kunuka.

Ubuyobozi bwa RICA bwavuze ko izi nyama zafashwe zitujuje ubuzirange, zigiye kumenwa ahabugenewe hakurikijwe amabwiriza yo kurengera ibidukikije.

Ubuyobozi bwa RICA bwasabye abacuruzi b'ibiribwa cyane cyane ab'inyama kurangwa n'isuku aho bakorera, kugira icyemezo cy'ubuzima gitangwa na muganga wemewe no gucuruza inyama zapimwe kandi zifite inkomoko izwi.

Bwasabye kandi abaguzi gushishoza bakagura inyama zujuje ubuziranenge ni ukuvuga izapimwe na muganga w'amatungo wemewe, kandi zavuye mu mabagiro azwi anafite ibyangombwa biyemerera gukora.

Mu gukomeza kugenzura ubuziranenge bw'ibiribwa no kurengera abaguzi, abagenzuzi b'ubuziranenge ba RICA bakomeje iki gikorwa hirya no hino ku masoko atandukanye mu gihugu.

RICA kandi yavuze ko abacuruzi bagomba gushyira ibiciro ku bicuruzwa no gutanga inyemezabwishyu.





Ba uwambere gutanga igitekerezo

Tanga igitekerezo:



RSS FEED

Musoni Protais yanenze abadepite bo mu Nteko Ishinga Amategeko y'Ubumwe bwa

Abacuruzi b'ibinyampeke barinubira igiciro cyo gupimisha Aflatoxin

Ambasaderi wa Afurika y’Epfo mu Rwanda yatangaje ko azanywe no kunoza umub

Perezida Kagame: COVID19 yerekanye ko ihuzanzira rya interneti atari umurimbo ah

Mu Rwanda hatangijwe mushinga ugamije guha ijambo abagore binyuze kuri murandasi

Perezida Kagame yitabiriye inama yahuje Afurika n'u Bushinwa yize ku bufata