AU YAHAYE SUDAN AMEZI 3 NGO ISUBIJE UBUYOBOZI ABASIVIRI

AGEZWEHO

  • Akarere ka Gisagara kagiye guha amabati asaga 200 abatuye bahuye n’ibiza – Soma inkuru...
  • Ibigo 3 by’ubwishingizi mu buvuzi ntibivuga rumwe n’ihuriro ry’amavuriro yigenga – Soma inkuru...

AU YAHAYE SUDAN AMEZI 3 NGO ISUBIJE UBUYOBOZI ABASIVIRI

Yanditswe Apr, 24 2019 08:38 AM | 3,470 Views



Abakuru b'ibihugu bya Afrika bafashe umwanzuro wo guha amezi atatu abasirikare bayoboye igihugu cya Sudan nyuma y'ihirikwa rya Omar el Bashir.

Ni mu gihe Umuryango wa Afrika Yunze Ubumwe wari wabasabye gusubiza ubutegetsi abasiriviri mu minsi itarenze 15 bitaba ibyo iki gihugu kigahagarikwa muri uyu muryango.


Ni mu nama yabereye i Cairo mu Misiri kuri uyu wa kabiri, yahuje Perezida wa Misiri Abdel Fattah Al Sisi uyoboye umuryango wa Africa Yunze Ubumwe, Perezida w'u Rwanda Paul KAGAME uheruka kuwuyobora na perezida wa Africa y'Epfo Cyril Ramaphosa utahiwe kuwuyobora mu mwaka utaha.

Aba bayobozi basabye ubuyobozi bwa gisirikare buyoboye Sudani kuri ubu, gutegura inzira ya democratie yo gushyikiriza ubuyobozi abasivile. Ba Minisitiri b'ububanyi n'amahanga bahawe inshingano yo guhura nyuma y'ukwezi kumwe kugira ngo barebe aho iyi gahunda igeze.

Iyi nama kandi yanitabiriwe n'bakuru b'ibihugu bitandukanye bya Afrika ndetse na Perezida wa Komisiyo y'umuryango w'Africa yunze ubumwe Moussa Faki Mahamat.


Iki cyemezo cyongereye iminsi 15 yari yatanzwe n'umuryango wa Afurika yunze ubumwe mu cyumweru gishize, yasabaga igisirikare gushyira ubuyobozi mu maboko y'abasivili, bitaba ibyo iki gihugu kigahagarikwa muri uyu muryango.

Igisirikare cyafashe ubutegetsi nyuma yo guhirika perezida Omar el-Beshir, ku wa 11 Mata, ubu abakuru b'ibihugu bya Afrika bakaba bagisabye gusubiza ubutegetsi abasivire mu mezi 3.

Abaturage nabo bamaze iminsi mu myigaragambyo basaba igisirikare kurekura ubutegetsi, kugira ngo bujye mu biganza by'abasivili.

Nyuma y'iyi nama, Perezida wa Misiri Abdel Fattah Al Sisi wari wanayitumije, yatangaje ko bemeranyije ku ivugururwa ry'imitegekere, ariko bigakorwa n'abanyasudani ubwabo.

Aba bakuru b'ibihugu kandi banaganiriye ku bibazo bya politiki biri mu gihugu cya Libiya, kugira ngo barebere hamwe umuti wabyo.




Ba uwambere gutanga igitekerezo

Tanga igitekerezo:



RSS FEED

Umuryango wa Afurika Yunze Ubumwe wahagaritse Sudan nyuma y’aho igisirikar

Perezida Kagame yitabiriye inama mpuzamahanga kuri Sudan

Gen Kabarebe yasabye abajenerali 25 bo muri Sudani y’Epfo gushyira imbere

Abasirikare bakuru 25 bo muri Sudani y'Epfo batangiye amahugurwa muri Rwand

Perezida KAGAME yitabiriye inama irebera hamwe ibyakozwe mu miryango y’utu

Ingabo z’u Rwanda 162 zo mu ishami ry’iby’indege zerekeje muri