AMAFOTO: U Rwanda rwashyikirije u Burundi abwanyi 19 ba Red Tabara

Kuri uyu wa Gatanu, ku mupaka wa Nemba mu karere ka Bugesera, u Rwanda rwashyikirije u Burundi abarwanyi 19 ba Red Tabara bafatiwe ku butaka bw'u Rwanda tariki 29 Nzeri 2020.

Iki gikorwa kitabiriwe n’abayobozi barimo ushinzwe Ubutasi bwa Gisirikare mu Ngabo z’u Rwanda, Brig Gen Vincent Nyakarundi, hakaba kandi hari itsinda ry'ingabo rishinzwe kugenzura ibibazo bibera ku mipaka igize ibihugu byo mu karere k'ibiyaga bigari nk'abahuza.

Aba barwanyi bagifatirwa mu Murenge wa Ruheru mu karere ka Nyaruguru, nibo  bavuze ko ari abarwanyi  babarizwa mu mutwe wa Red Tabara urwanya ubutegetsi mu Burundi.

Bafatanywe n'intwaro zabo zirimo n'imbunda n'amasasu n'ibindi bikoresho bakoreshaga mu bikorwa byabo.