AMAFOTO: Perezida Kagame yatangiye uruzinduko rw'akazi muri Nigeria

Perezida wa Repubulika Paul Kagame kuri uyu wa kabiri yatangiye uruzinduko rw'akazi rw'iminsi ibiri agirira muri Nigeria aho biteganyijwe ko ari bwitabire inama ku kurwanya ruswa muri Nigeria.

Muri rusange, Perezida Kagame biteganyijwe ko muri iyi nama ari bugaragarize abayitabiriye uburyo u Rwanda rwabashije kurwanya ruswa binarushyira mu bihugu bitatu bya mbere muri afurika mu kurangwamo ruswa nke mu myaka ibiri ishize.

U Rwanda kandi rurashimwa kwimakaza ikoranabuhanga nk'imwe mu ntwaro yo kurwanya ruswa urugero rutangwa ni uburyo u Rwanda aricyo gihugu cya mbere muri Afurika gutangiza uburyo bw'ikoranabuhanga mu itangwa ry'amasoko mu mwaka wa 2016.

Ku munsi wa kabiri w'uruzinduko rwe, biteganyijwe ko umukuru w'igihugu azitabira umuhango w'irahira rya Perezida Muhamadu Buhari watorewe kongera kuyobora iki gihugu.