Yanditswe Aug, 04 2021 16:20 PM | 37,192 Views
Ubwo
hakingirwaga abaturage barengeje imyaka
50 n’ibindi byiciro by’abakozi bacikanywe n’inkingo za mbere hirya no hino mu
gihugu, aba baturage bagaragaje ko bishimiye ko bahawe urukingo rwa Covid19
kuko ngo bibongereye icyizere cyo kutandura iki cyorezo.
Hirya no hino mu turere tw’igihugu ku bigonderabuzima bitandukanye, abaturage barengeje imyaka 50 bari babukereye baje kwikingiza urukingo rwa mbere rwa covid19.
Bari ku mirongo umwe ku wundi yuzuza ifishi hanyuma akajyanwa mu cyumba bakingiriramo agahambwa urukingo. Abakingiwe bavuga ko ari iby’agaciro kuri bo kuko ngo wasangaga bafite ubwoba bwo guhitanwa n’iki cyorezo nk'abantu barengeje imyaka 50.
Umuyobozi w’ibitaro by’akarere ka Huye bya Kabutare, Dr Nzambimana Jean Bosco, avuga ko n’ubwo aba baturage bakingiwe ariko, ngo ntibyababuza kwandura bakanduza abandi badakingiye, bityo basabwa gukomeza gukurikiza ingamba zo kwirinda covid19.
Iki gikorwa cyo gukingira abaturage barengeje imyaka 50 kuri iyi nshuro cyatangiye kuri uyu wa 4 Kanama, kizarangirana n’uko umubare w’inkingo zagenwe mu bigonderabuzima urangiye.
Nko mu karere ka Huye hateganyijwe gukingirwa abantu 8300.
Jean Pierre Ndagijimana
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru