Yanditswe Jun, 19 2022 11:09 AM | 144,296 Views
Urubyiruko rusaga 1000 ruhagarariye urundi, ruturutse mu bihugu 54 byo mu muryango w'Ibihugu bikoresha ururimi rw'Icyongereza wa Commonwealth, ruteraniye muri IntareArena mu ihuriro ry'urubyiruko rya CHOGM2022 rizamara iminsi itatu.
Muri aya Masaha i Kigali hatangiye Ihuriro rya 12 ry’Urubyiruko rwo mu muryango w'Ibihugu bikoresha Ururimi rw’Icyongereza Commonwealth. Ni ihuriro ririmo guhuza urubyiruko rusaga 1,000 ruturutse mu bihugu 54 bigize Umuryango w’Ibihugu Bikoresha Ururimi rw’Icyongereza.
Iri huriro riha urubyiruko rwo muri ibyo bihugu amahirwe yo guhura, kumenyana no kwigira ku byiza bahuriyeho, rujya inama, ndetse rugafata ibyemezo by’ejo hazaza.
Insanganyamatsiko y’iri Huriro igira iti “Ejo hacu mu biganza byacu”. Iyi nsanganyamatsiko igaragaza igisubizo urubyiruko rutanga ku nsanganyamatsiko y’Inama y’Abakuru b’ibihugu bigize umuryango wa CommonWealth izwi nka CHOGM igira iti: “Kugera kuri ejo hazaza hacu: Guhuza, guhanga ibishya no kuzana impinduka”
Mu minsi 3 iri huriro rizamara, rizibanda ku ngingo nkuru zirimo ikoranabuhanga no guhanga ibishya, ubucuruzi, kurema no guhanga imirimo, ibijyanye n’ ubuzima n’ingaruka z'icyorezo cya COVID19, uburezi n'ibindi.
Iri huriro ryitezweho kwemeza ibitekerezo by’urubyiruko bizashingirwaho mu gukemura ibibazo urubyiruko rwo muri uyu muryango ruhura nabyo.
Muri iri huriro kandi urubyiruko rukora gahunda ihamye y’igenamigambi y’ibikorwa ruzakora mu myaka ibiri iri imbere. Mu nama rusange bazagira, bazafata imyanzuro; iyi myanzuro ikazashyikirizwa abakuru b’Ibihugu na za Guvernima nk’umusanzu wabo wo kugena ejo heza hazaza ha Commonwealth.
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru
Rubavu: Abarokotse Jenoside baravuga ko ubuvuzi bahawe na Leta bwatumye bagarura icyizere
Apr 16, 2024
Soma inkuru