Yanditswe May, 26 2022 21:28 PM | 66,771 Views
Abagororwa basaga 600 bagororerwa muri gereza 5 zo mu Rwanda basoje amasomo y'imyuga n'ubumenyingiro bari bamaze amezi 6 bahabwa. Minisiteri y'Umutekano mu gihugu isaba abigishijwe imyuga kudapfusha ubusa amahirwe bahawe.
Aba uko ari 603 basoje amasomo bigiye ku mashuri yo muri za gereza 5 mu gihugu aha harimo Gereza ya Nyarugenge, Nyanza, Huye, Rubavu na Rwamagana.
Imwe mu myuga aba bagororwa bize irimo ubukanishi, ububaji, gutunganya imisatsi n'ubumenyi kuri mudasobwa. Abasoje amasomo y’imyuga n’ubumenyingiro bavuga ko biteguye kuzabyaza umusaruro ubumenyi bungukiye muri gereza, aba ubu barimo n'abarangije ibihano byabo baje gufata imbamyabumenyi zabo.
Abagororerwa muri Gereza ya Nyarugenge bari basanzwe bafite ibyo bize mbere y’uko batangira kugororwa bavuga ko bafite inyota yo kwiga imyuga n’ubumenyingiro kuko izabafasha kwiteza imbere.
Ubuzima bw’imfungwa n’abagororwa burakomeza bakabona ibibafasha mu buzima bwa buri munsi, ibi bitandukanye n’abatekereza ko muri gereza ari ahantu hari ibibazo gusa. Bamwe mu mu bagororerwa muri Gereza ya Nyarugenge bishimira uburyo bitabwaho.
Umuyobozi w'u rwego rushinzwe imfungwa n'abagororwa CG Marizamunda Juvenal avuga hari gahunda yo kwagura ibikorwa byo kwigisha imyuga n’ubumenyingiro imfungwa n’abagororwa.
Umunyamabanga wa Leta muri Minisiteri y’uburezi ushinzwe ikoranabuhanga imyuga n’ubumenyingiro Irere Claudette avuga ko Minisiteri y’Uburezi izakomeza kuba umufatanyabikorwa mu guteza imbere imyuga n’ubumenyingiro mu magereza.
Minisitiri w’Umutekano mu gihugu Gasana Alfred yasabye abasoje amasomo y’imyuga n’ubumenyi ngiro mu magereza kubyaza umusaruro amahirwe bahawe n’igihugu.
Gahunda yo kubaka amashuri y’imyuga n’ubumenyingiro muri gereza 5 zo mu gihugu yatangiye muri 2020 ikaba yaratewe inkunga n’igihugu cy’u Buhorandi, bikaba biteganyijwe ko iyi gahunda izagezwa no mu zindi gereza.
KWIZERA John Patrick
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru
Rubavu: Abarokotse Jenoside baravuga ko ubuvuzi bahawe na Leta bwatumye bagarura icyizere
Apr 16, 2024
Soma inkuru