23 bafunzwe bazira kurenga ku mabwiriza yo kwirinda COVID19 aho basengeraga mu rugo rw'umuturage

AGEZWEHO

  • Uburyo umubano w’u Rwanda na Centrafrica warushijeho gukomera kuva mu 2014 – Soma inkuru...
  • Abiga muri African centers of Excellence bavuze ko biteguye kuzamura ireme ry'uburezi mu Rwanda – Soma inkuru...

23 bafunzwe bazira kurenga ku mabwiriza yo kwirinda COVID19 aho basengeraga mu rugo rw'umuturage

Yanditswe Jun, 23 2020 10:00 AM
61,402 Views



Abagabo 11 n'abagore 12 bo mu mirenge ya Ntyazo na Kibilizi mu Karere ka Nyanza bafungiye kuri Sitasiyo ya Polisi ya Ntyazo nyuma yo gutabwa muri yombi basengera mu rugo rwa mugenzi wabo.

Aba bakirisitu bavuga ko impamvu yabateye gusengera hamwe ari uko nyir'urugo bavuga ko banasengananga na mbere muri ADEPR yaje kurwara bikomeye maze umwana we akiyambaza bamwe mu batawe muri yombi ariko bakahaza ari benshi kandi ngo yari yatumijeho abagera kuri batanu.

Bavuga ko ibikorwa byo gusengera uwo mugenzi wabo babitangiye ku cyumweru ku isaha ya saa munani z'amanywa ariko bitewe ngo no gusenga cyane basakuza ibi byatumye batabwa muri yombi n'inzego z'ubuyobozi.

Aba baturage nyamara ibi barabikora mu gihe amabwiriza ya Leta agamije kurinda abaturage icyorezo cya Covid 19 atabyemera.

Aba bakirisitu barahamya  ko batazongera kugwa mu ikosa banemera ko bakoze koko ryo kurenga ku mabwiriza ya Leta agamije kwirinda iki cyorezo cya Covid 19. Barasaba imbabazi bagaragaza ko batazongera.

Abamaze iminsi batabwa muri yombi mu Ntara y'Amajyepfo barenze ku mabwiriza ni abafungura utubari bagapima inzoga ndetse n'abajya gusengera mu ngo kandi bagaterana ari benshi kandi bitemewe.



Ba uwambere gutanga igitekerezo

Tanga igitekerezo:



RSS FEED

Hatangijwe ibikorwa byo gukingira Covid19 abamotari bo muri Kigali

Kuki ubwandu bwa Covid19 muri Muhanga butagabanuka bari muri guma mu rugo?

Abaturage bagera ku bihumbi 300 muri Kigali bagiye gukingirwa Covid19 mu kwezi n

Nyuma yo kuva muri Guma mu Rugo muri za gare hagaragaye abaturage benshi

Uko umunsi wa mbere wo kuva muri Guma mu Rugo wari wifashe

Abatuye Muhanga na Ruhango basabwe kwitondera iminsi ya Guma mu Rugo barimo