Umuhinde Debnath wiyemeje kuzenguruka isi yose akoreshe Igare yageze mu Rwanda.

Taliki ya 27 z’ukwezi kwa Gatanu 2004, nibwo Somen Debnath w’imyaka 30 yahagurutse iwabo mu Buhinde atangira urugendoo ruzamara imyaka 16. Uru rugendo azarurangiza muri 2020 amaze kuzenguruka ibihugu 191. U Rwanda rubaye igihugu cya 86 agezemo, akaba amaze gukora urugendo rw’ibirometero bisaga 100 000. Somen Debnath avuga ko yihaye intego yo kuzenguruka isi yose n’igare rye ritariho inzogera kugira ngo ageze ku bantu bose ubutumwa bwo kwirinda sida no guharanira amahoro. {«ndi kuzenguruka isi yose nkoresheje igare kugira ngo menyeshe abantu ibyerekeye sida no kuyirinda ndetse no kumenyekanisha umuco w’abahinde »} Gusa ngo muri uru rugendo ahura n’imbogamizi muri bimwe mu bihugu anyuramo ariko ngo ntibimuza gukomeza intego yihaye. {« hari ibiryo ariko rimwe narimwe mbura amafaranga yo kubigura ,hari imbogamizi nyinshi nahuye nazo .rimwe naje gushimutwa nabataribani muri afganistan muri 2004 »} Somen Debnath avuga ko yigeze no « gukubitwa n’abantu batashakaga kunyumva muri europe bavuga ko uruhu rwanjye atari urwabazungu,nibwe amagare gatatu muri burugariya ,polonyen’ubudage.rimwe na rimwe abatanyumva bakampagarika mu nzira ,ubundi ngahura n’inyamaswa z’inkazi bigatuma mpagarika urugendo. » Mu buzima abayemo agenda yitwaza ihema ,ibiryamirwa ,amafoto y’urwibutso yaho yasuye. Gusa ngo abantu batandukanye ni bo bamuha inkunga mu buzima bw’uru rugendo. {« mbona inkunga z’abantu bamfasha mu bukungu ndetse no kuntera umurava rimwe na rimwa ibitangaza makuru n’abikorera,baranyegera bakamfasha bashyigikira uru rugendo »} Nyuma y’umugabane w’Afurika Somen Debnath azaba asigaje kugera muri Amerika na Australia, akazasoza uru rugendo amaze kugenda ibirometero 200 000, Icyo gihe azaba amaze kugeza ubutumwa bwe ku bantu miliyoni 20 bo hirya no hino ku isi. Somen Debnath yahagurutse iwabo mu buhinde afite imyaka 20 none ubu agize imyaka 30, akaba asigaje kugenda indi myaka 6.