Rwamagana: Umusore w’imyaka 20 akurikiranyweho gufata ku ngufu umwana w’imyaka 2

{ Kuri stasiyo ya police ya Kigabiro mu karere ka Rwamagana hafungiye umusore w’imyaka 18 ukurikiranyweho gufata ku ngufu umwana w’umukobwa w’imyaka ibiri n’igice.Umuvugizi wa police mu ntara y’I Burasirazuba senior superintendent Benoit Nsengiyumva agasaba abantu bose gutanga amakuru yafasha gukumira ibyaha hakiri kare kandi bakumva ko bafite inshingano zo kurengera abana.} Uyu mwana wahohotewe mu murenge wa Munyiginya akarere Rwamagana yabanaga na nyirakuru. Uyu musore yiyemerera ko ari we wafashe ku ngufu uyu mwana ngo yari amaze ibyumweru bibiri aje kwaka icumbi muri urwo rugo avuga aho yabaga bamwirukanye. Nyuma yo kurihabwa ngo yahise amenyerana n’abana ahasanze ku buryo batari bakimwishisha. N’akababaro kenshi nyirakuru w’uyu mwana yadutangarije uko yamenye uko umwuzukuru we yahohotewe {” umuhungu yavuye ku kazi mu masamunani araryama nako kamujya iruhande ngiye mu nzu mbona yagashyize iruhande rwe noneho nshyushya amazi ngiye kugakarabya kaza kagenda gatya nti ubaye iki nsanga ka mayo yagakuyemo mpita nkubitaho urugi mvuza induru abantu rero baraza baratabara.”} Umuvugizi wa police mu ntara y’I Burasirazuba sptdt Benoit Nsengiyumva yashimiye abaturage uburyo batabaye bakaba ari nabo bashyikiriza police uyu musore ukurikiranyweho icyo cyaha. Uyu muvugizi wa police akanaboneraho gusaba abantu bose kujya batanga amakuru ku gihe kugirango ibyaha bikumirwe. Yagize ati”{Ubutumwa dutanga ni uko ababyeyi bakwiye kwegera abana babo ikindi ni uko umuntu umenye amakuru kuko ni ivcyaha gikomeye cyane abantu bakwiye kwita ku bana ndrtse n’undi muntu wese agafata umwana wese nkuwe si n’abana bato gusa uwamenya ayo makuru yamenyesha police kugirango icyaha gikumirwe.”} Nkuko twabitangarijwe na ssptdt Benoit Nsengiyumva, uyu musore aramutse ahamwe n’icyi cyaha yahanishwa igihano cya burundu y’umwihariko ni ukuvuga gufungwa ubuzima bwe bwose ntabe yabonana n’abandi bantu.