Yanditswe Nov, 08 2016 16:21 PM | 2,077 Views
Leta y'u Rwanda ibinyujije muri Komisiyo yo kurwanya Jenoside CNLG yatangiye igikorwa cyo kwandikisha zimwe mu nzibutso za Jenoside yakorewe abatutsi ku rutonde rw'umurage w'isi (UNESCO).
Zimwe mu nzibutso za Jenoside yakorewe abatutsi biteganijwe ko zizashyirwa ku rutonde rw'umurage w'isi rwa UNESCO harimo urwa Gisozi, Nyamata, Murambi, na Bisesero.
Minisitiri w'umuco na Siporo Julienne Uwacu, atangazako ibi bizafasha mu kumenyekanisha amateka ya Jenoside, kurwanya ingengabitekerezo yayo n'abayipfobya, ndetse no guharanira ko itazongera kubaho ukundi.
Ibi yabitangarije mu nama y'iminsi 2 iteraniye i Kigali, ihuje abayobozi batandukanye mu ku rwanya Jenoside mu Rwanda, inzobere n'abashakashatsi b'umuryango w'abibumbye ndetse n'abarimu bo muri za Kaminuza mu Rwanda.
Iyi nama yatumiwemo n'inzobere zituruka mu bihugu nka Mali, Angola , Afrika yepfo na Cap Vert, yitezweho kubonera igisubizo zimwe mu mbogamizi zigaragara mu nzira yo kwandikisha umurage w'amateka y'u Rwanda ku rutonde rwa UNESCO.
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru