Umuryango w'ubumwe bw'Uburayi wahaye u Rwanda inkunga ya miliyoni 200 z'ama Euro

Umuryango w’ubumwe bw’Uburayi wahaye u Rwanda inkunga ya miliyoni 200 z’ama Euro angana na miliyari 173 z’amafaranga y’u Rwanda, yo guteza imbere urwego rw’ubuhinzi n’imirire.

Aya masezerano amaze gushyiraho umukono hano I Kigali, hagati y’uhagarariye Umuryango w’ubumwe bw’uburayi mu Rwanda amb. Michael Ryan na Ambasaderi Claver Gatete minister w’imari n’igenamigambi.

Ministre Gatete akaba yatangaje ko iyi nkunga izakoreshwa mu bikorwa birimo kuhira imyaka, kwita ku mashyamba, guhanga imirimo ishingiye ku buhinzi ndetse no guteze imbere inguzanyo zigenerwa abahinzi.

Iyi nkunga umwihariko wayo ni uko izanyuzwa mu ngengo y'imari atari mu mishinga y'iterambere.