U Rwanda rwasinye amasezerano y'ubufatanye n'igihugu cya Argentina

U Rwanda na Argentine basinyanye amasezerano ajyanye no guteza imbere umubano hagati y’ibihugu byombi. Ni amasezerano yashyiriweho umukono I Buenos Aires muri Argentine. 

 U Rwanda rwari ruhagarariwe na ministiri w’ububanyi n’amahanga w’u Rwanda Mme Louise MUSHIKIWABO naho ku ruhande rwa Argentine ni ministiri w’ububanyi n’amahanga Jorge Faurie. 

Ministiri Louise mushikiwabo ari Buenos Aires muri Argentine aho yitabiriye imirimo y’inama ihuza ba ministre b’ububanyi n’amahanga b’ibihugu 20 bigize ihuriro  rya za guverinoma na banki nkuru z’ibyo bihugu, ihuriro rigamije kubungabunga ubukungu ku rwego mpuzamahanga, izwi nka G20 Foreign Affair Ministers Meeting .

Ministiri Mushikiwabo yitabiriye iyo nama ku butumire bwa mugenzi we wa Argentine Jorge Faurie.  Mu biganiro kandi byabaye hagati y’aba baminisitiri bombi, bibanze ku mubano w’ibihugu byombi ndetse n’izindi nzego zishobora gushingirwaho ubutwerane n’umubano.