U Rwanda na Uganda mu gikorwa cyo kugaragaza aho imipaka itandukanira

Komisiyo ihuriweho n’u Rwanda na Uganda (Rwanda-Uganda Border Demarcation ) ifatanyije n’akarere ka Nyagatare bari mu gikorwa cyiswe icyo kugaragaza umupaka utandukanya ibihugu  byombi.

Ni mu rwego rwo gushyira mu bikorwa icyemezo cy’Inama yahuje abaperezida ba Afrika yunze ubumwe  yabereye  i Addis Abeba muri Ethiopia  mu mwaka wa 2007, inama yafatiwemo icyemezo cyo gukosora imipaka mu rwego rwo kurwanya amakimbirane ashobora gukomoka ku mbibi zigabanya ibihugu.

Tabagwe ni umwe mu mirenge y’akarere ka Nyagatare ikora ku gihugu cy’Ubugande. Umunyamabanga Nshingwabikorwa w’uyu murenge Uwishatse Ignace agaragaza uburyo igikorwa cy’iyi komisiyo cyo kugaragaza neza umupaka hari ibibazo bitari bike kije gukemura.

Abaturage baturiye imipaka na bo ngo bakomeje gukangurirwa gukoresha neza imipaka kugira ngo birinde Imipaka iyo igaragajwe neza bishobora kongera imibanire myiza hagati y’abaturage b’ibihugu bihana imbibe nk’uko bivugwa na Ngoga Eugene, Umukozi wa Minisiteri y’ububanyi n’amahanga ushinzwe ubuyobozi bw’Ibihugu by’Afurika  Hagati y’u Rwanda na Uganda.

Umupaka w’u Rwanda na Uganda ufite Ibilometero 250 uvuye ku Kirunga cya Sabyinyo  ukagera ku mupaka wa Kagitumba .