Toni zigera ku 130 z'intwaro zarengeje igihe zatangiye gusenywa n'ingabo

U Rwanda rwatangiye gusenya intwaro zarengeje igihe ndetse n'izindi zitagikoreshwa ku mpamvu zinyuranye zigera kuri toni 130.  Ingabo z'u Rwanda zivuga ko iki gikorwa kigamije gushyira mu bikorwa amasezerano mpuzamahanga yo kurwanya ikoreshwa ry'intwaro zarengeje igihe ndetse n'ikwirakwizwa ryazo mu basivili.

Izi ntwaro zirimo izo mu bwoko bw'ibisasu bizwi nka mines, amakompara ndetse na za grenades n'amasasu, zose zitagikoreshwa ku mpamvu zirimo kuba zararengeje igihe cyangwa zarangiritse mu buryo bunyuranye.

Umugaba mukuru w'ingabo zirwanira ku butaka Maj. Gen. Jack Musemakweri yagaragaje ko nubwo urugamba rwo kubohora igihugu ndetse n'intambara y'abacengezi byari byarangiye, hari bamwe mu basivili bafite intwaro. Ingabo z'u Rwanda zivuga ko zishimira ko k'ubufatanye n'izindi nzego icyi kibazo cyakemutse uko imyaka yagiye ihita.

Igikowa cyo gusenya izo ntwaro cyatangiye kuva kuri uyu wa mbere tariki 27 Ugushyingo kugeza kuya 4 z'ukwezi gutaha kwa 12. Ni inshuro ya 6 ingabo z'u Rwanda zisenya intwaro zitagikoreshwa, aho nko mu mwaka ushize wa 2016 hasenywe izindi ntwaro zingana na toni 55.

Inkuru irambuye mu mashusho: