Sena y'u Rwanda iri kugenzura ireme ry'uburezi mu mashuri makuru na kaminuza

Sena y'u Rwanda iri kugenzura ireme ry'uburezi mu mashuri makuru na kaminuza

Yanditswe October, 12 2016 at 16:19 PM | 1506 Views



Sena y'u Rwanda irimo gucukumbura ibijyanye n'uburezi butangirwa mu mashuri makuru na za kaminuza zo  mu Rwanda; igikorwa ivuga ko kigamije kureba niba koko ubumenyi butangwa bushobora kubakirwaho ubukungu bw'igihugu.

Sena y'u Rwanda iranareba uko abarangije muri kaminuza n'amashuli makuru baba bahagaze ku isoko ry'umurimo.

Mu bihe bitandukanye abasenateri bagize komisiyo y'imibereho myiza bagiranye ibiganiro n'abahagarariye Minisiteri ifite umurimo mu nshingano hamwe n'urugaga rw'abikorera.

Abasenateri bagaragarije izi nzego ko hari ikibazo cyo kwita ku mpamyabumenyi kurusha ireme ry'uburezi, kimwe no  kudashyira ingufu muri bumwe mu bumenyi bukenewe nko mu bijyanye n'amahoteli n'ubukerarugendo ariko cyane cyane inzobere mu buvuzi.

Ibitangazwa n'aba basenateri ntibihabanye n'ibyo abayobozi b'urugaga rw'abikorera mu Rwanda, bo bakemanga ubumenyi bwa bamwe mu basoza amashuri makuru na za kaminuza zo mu Rwanda biba biherekejwe no kudakunda gukora cyane bya hato na hato.

Mu gihe abo Leta iha akazi babarirwa muri 1.8% abagera kuri 95% by'abarangije amashuri makuru na za Kaminuza babona akazi mu bigo by'abikorera binasaba ko byahabwa agahimbazamushyi na Leta kugira ngo birusheho kwakira umubare munini w'abo bimenyereza umwuga.



Ba wambere gutanga igitekerezo

Tanga igitekerezo:



RSS FEED

Ingengo y'imari ikeneye kongerwa ngo habeho irerero rimwe muri buri kagari-

Abana bitegura ibizamini bya Leta barasabwa kwirinda 'ibicupuri'

Ikoranabuhanga rigiye gukoreshwa mu kugenzura imyigire y'abanyeshuli

Umusore warangije icyiciro cya kaminuza cya 'Masters' yandikisha amano

Gakenke: Kubera ikibazo cy'ibiza amwe mu mashuli yarafunze

RTV SCHEDULE