Sena irasaba komisiyo y'ubumwe n'ubwiyunge kugaragaza abafite ingengabitekerezo

Bamwe mu bagize inteko ishinga amategeko umutwe wa Sena barasaba komisiyo y'igihugu y'ubumwe n'ubwiyunge gushyira ahagaragara abantu bagaragaweho n'ingengabitekerezo ya Jenoside aho kugaragararira mu mibare gusa.

Ubwo yagezaga raporo y'ibikorwa by'umwaka 2015/2016 komisiyo y'igihugu y'ubumwe n'ubwiyunge yavuze ko abayigaragaweho bakurikiranwa

Imibare igaragazwa na komisiyo y'ubumwe n'ubwiyunge nuko ubwiyunge mu Rwanda buhagaze kuri 92.5. Gusa 25 ku ijana by'abanyarwanda baracyagaragarwaho n'ingengabitekerezo ya Jenoside ndetse n'amacakubiri.

Perezida wa Komisiyo y'ubumwe n'ubwiyunge Bishop John RUCYAHANA avuga ko usibye mu bitekerezo ngo uwo byagaragaweho arahanwa.

Byinshi mu bikorwa byakozwe byibanze ku biganiro bishyigikira Gahunda ya Ndi Umunyarwanda,gukora ubuvugizi ku kurangiza imanza zo mu nkiko za gacaca ndetse n'imitungo y'imfubyi za Jenoside n'ibindi. Mu mwaka ushize 2015/2016 Komisiyo y'igihugu yari ifite ingengo y'imari ya miliyoni 800 z'amafranga y'u Rwanda.