Rubavu: Hafashimana atejwe imbere n'umurimo w'ubuhinzi bw'indabo yihangiye.

Hafashimana Justin wo mu murenge wa Nyundo mu Karere ka Rubavu  aragira inama urubyiruko yo gukura amaboko mu mifuka rukagira umuco wo kwihangira imirimo kandi ntirugire umurimo rusuzugura.

Aratanga izi nama nyuma yo kubona ibikorwa bifatika amaze kugeraho abikesha ubuhinzi bw’indabo yatangiye gukora kuva afite imyaka 10.

Hafashimana Justin w'imyaka  31 y’amavuko. Yahisemo guhinga indabyo abigira umwuga, akaba ari igikorwa amazemo imyaka igera kuri 21 dore ko yatangiye afite imyaka 10. Kuri ubu avuga ko amaze kwigeza kubikorwa binyuranye byiterambere abikesha ubwo buhinzi bw’indabo akorera mumudugudu wa Rambura akagari ka Terimbere.

Uyu murimo we arifuza ko yawugira umwuga ukanagera kurwego mpuzamahanga. Akaba ari nayo mpamvu asaba inzego za Leta kumufasha kubona amahugurwa ahagije kubuhinzi bw’indabo, kuzitungana n’ibindi.