Rubavu: Abajura bakoresha intwaro batawe muri yombi

Agatsiko k’abajura gakoresha intwaro bivugwa ko kari karayogoje umujyi wa Gisenyi, mu ijoro ryo ku wa kabiri kaguwe gitumo n’inzego z’umutekano mu karere ka Rubavu mu kabali kitwa Snack Bar Macampagne kari gucura umugambi wo kujya kwiba, umugambi waburijwemo na Polisi y’Igihugu ubwo umwe muribo washatse guhangana nabo, akoresheje imbunda yari afite araraswa ahita apfa . 

Aka gatsiko k’abajura bibisha intwaro kari kagizwe n’abantu 6 nyuma yaho umwe muri ahasize ubuzima. 5 nibo bafungiye kuri statio ya Polisi ya Gisenyi aho bakurikiranweho icyaha cyo gucura umugambi wo gukora icyaha cy’ubujura bukoresheje intwaro.

Abaturage k’uruhande rwabo, bavuga Polisi yashoboye guhashya aka gatsiko bavuga ko kabayogoje,kababuza amahwemo. Umuturage witwa Umuhoza Clementine ni umwe mu babyeyi barutse kwambura n’aka gatsiko miliyoni zisaga 3 z’amafaranga y’u Rwanda. 

Mu gihe bahamwe n’icyaha  cyo gucura umugambi wo gukora icyaha cy’ubujura bukoresheje intwaro, igitabo cy’amategeko ahana ibyaha mu Rwanda mu ngingo ya 305, iyo bwakozwe n’umuntu urenze umwe agatsiko bahanishwa igihano cya burundu.

Umuyobozi wa Polisi mu ntara y’Iburengerazuba ACP Mutenzinare Bertin, yashimiye abaturage ubufatanye, yavuze ko batazigera bihanganira namba uwo ariwe wese ushobora guhungabanya umutekano w’abaturage n’ibyabo .