Yanditswe Dec, 08 2016 13:11 PM | 1,300 Views
Abantu 25 ni bo bamaze gutabwa muri yombi, kubera gutanga inyemezabwishyu z'impimbano bakoresheje imashini za EBM.
Ubu buriganya bwatumye hanyerezwa imisoro n'amahoro bifite agaciro ka miliyari 12 habariwemo n'amande, kuko ibicuruzwa bazitanzeho byaguzwe miliyari 38. Muri abo bafashwe hari abakatiwe n'inkiko batanga n'amande.
Ikigo cy'imisoro n'amahoro kivuga ko kugeza ubu, muri izo miliyari 12 z'imisoro yanyerejwe amaze kugaruzwa ari miliyari imwe.
Ubuyobozi bw'iki kigo bwongeraho ko abo bakoresha EBM z'impimbano uko ari 25 kandi nta bicuruzwa bafite batanze izo nyemezabwishyu z'impimbano ku bacuruzi 776 nabo bakaba baratahuwe ndetse bacibwa amande. Gusa 350 ni bo bamaze kwishyura amande baciwe, abandi basabye kujya bishyura mu byiciro.
Ikigo cy'imisoro n'amahoro kivuga ko buri cyumweru cyinjiza miliyoni 350 aturutse muri abo bakoreshaga uburiganya.
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru