Perezida Lungu avuga ko ubuhahirane hagati y'u Rwanda na Zambia ari magirirane

Perezida Lungu avuga ko ubuhahirane hagati y'u Rwanda na Zambia ari magirirane

Yanditswe February, 21 2018 at 20:44 PM | 4615 Views



Nyuma yo gusura agace kahariwe inganda muri Kigali, Perezida wa Zambia Edgar Lungu yatangaje ko ibihakorerwa ari ikimenyetso cy'uko igihugu cye n'u Rwanda ari magirirane.

Perezida wa Zambia Edgar Lungu, yasuye inganda eshatu: Uruganda rw'imyenda C&H rukoresha abasaga 1500 rwanamugeneye impano y'ijaketi yo kwifubika, Pharm Lab rukora ibikoresho byifashishwa kwa muganga n'urwa Africa Improved Foods rukora ibyo kurya bikungahaye ku ntungamubiri bigenewe abagore batwite n'abonsa hamwe n'abana, ibiribwa bimaze kugera ku basaga miliyoni imwe hirya no hino muri Afrika nyuma y'umwaka umwe rutangiye gukora.


Uru ruganda kandi rumaze gutumiza 80% by'ibigori rukenera muri Zambia rukagira n'uruhare mu kugura umusaruro w'abahinzi bo mu Rwanda.

Umuyobozi w'Urwego rushinzwe iterambere mu Rwanda RDB Clare Akamanzi avuga ko uruzinduko rw'uyu munyacyubahiro mu gace kahariwe inganda ari ikimenyetso cy'ubushake bw'impande zombi mu gukomeza gushimangira ubuhahirane.

Agace kihariye kahariwe inganda ka Kigali katangiye muri 2011 kakaba kabarurwamo inganda 62. Izi nganda zimaze gutuma hahangwa imirimo 5000 ihoraho na 10000 idahoraho kandi kagize uruhare rukomeye mu kongera ibyo u Rwanda rwohereza mu mahanga.

Inkuru irambuye mu mashusho:




Ba wambere gutanga igitekerezo

Tanga igitekerezo:



RSS FEED

Perezida wa Sena Bernard Makuza yakiriye itsinda ry'abagize inteko ya Seneg

U Rwanda rwaje ku mwanya wa 29 mu bihugu byoroshya ishoramali ku isi

FPR Inkotanyi, PSD na PS Imberakuri bemeza ko amatora agenda neza mu Rwanda

Transparency International-Rwanda yagaragaje ibikenewe gukosorwa muri VUP

U Rwanda rwiyemeje gushyira imbaraga mu myigishirize y'ururimi rw'igif

U Rwanda na Togo basinye amasezerano y'ubufatanye mu ngendo zo mu kirere

RTV SCHEDULE